Diasporla İş üzrə Dövlət Komitəsinin dəstəyi – Rusya Gazetesi https://rusyagazetesi.com Wed, 13 Dec 2023 06:30:42 +0000 tr hourly 1 https://rusyagazetesi.com/wp-content/uploads/2025/03/cropped-Rusya-gazetesi-32x32.webp Diasporla İş üzrə Dövlət Komitəsinin dəstəyi – Rusya Gazetesi https://rusyagazetesi.com 32 32 Sloveniya paytaxtında Heydər Əliyevin 100 illiyi qeyd edilib https://rusyagazetesi.com/sloveniya-paytaxtinda-heyd%c9%99r-%c9%99liyevin-100-illiyi-qeyd-edilib-h52384.html Wed, 13 Dec 2023 06:30:42 +0000 https://1453kralmedya.com/sloveniya-paytaxtinda-heyd%c9%99r-%c9%99liyevin-100-illiyi-qeyd-edilib-h52384.html

 

 

 

Sloveniya paytaxtında Heydər Əliyevin 100 illiyi qeyd edilib

, 2023

Sloveniya paytaxtında Heydər Əliyevin 100 illiyi qeyd edilib

Sloveniyanın paytaxtı Lyublyana şəhərində müasir Azərbaycan dövlətinin qurucusu, ümummilli lider Heydər Əliyevin 100 illik yubileyinə və ölkəmizin Zəfər Gününə həsr olunmuş tədbir keçirilib.

 

 

 

Diasporla İş üzrə Dövlət Komitəsinin dəstəyi və Azərbaycan Türk Mədəniyyət Assosiasiyasının təşkilatçılığı ilə baş tutan tədbirdə diplomatik korpusun təmsilçiləri, yerli ictimaiyyətinin nümayəndələri, Azərbaycan və türk icmalarının üzvləri iştirak ediblər.

 

 

 

Qonaqlar arasında Türkiyənin Slovenyadaki səfiri Aylin Taşhan, səfirliyin müşaviri Derin Ersavci, Dünya Türk İş Şurasının Sloveniya şöbəsinin müdiri Mehmet Seyhan Muratoglu, “Yıldız Entegre” şirkətinin Slovenyadaki fabrikinin rəhbəri Adnan Aşkar, “Üzer” holdingin Sloveniya bölümünün rəhbəri Mustafa Kaslı, yerli ictimaiyyətin tanınmış nümayəndələri Aljaž Koželj, Matevž Kovačič, Armin Bektaševic, Elmedina Bektaševic (Bosniya) də olub.

 

 

 

Tədbir Azərbaycan, Türkiyə və Sloveniyanın Dövlət himnlərinin səsləndirilməsi ilə başlayıb.

Azərbaycan Türk Mədəniyyət Assosiasiyasının prezidenti Taleh Qurbanov, vitse-prezidenti Jalə Qurbanova, Türkiyənin Sloveniyadakı səfiri Aylin Taşhan, Avstriya Azərbaycanlıları Cəmiyyətinin sədri Fərid Əzizov, professor Leonardo Benjamin Rizzuto çıxışlarında görkəmli dövlət xadimi Heydər Əliyevin xalqımızın taleyində oynadığı mühüm roldan bəhs ediblər. Bildirilib ki, ulu öndər təkcə Azərbaycan dövləti və xalqı üçün misilsiz xidmətlər həyata keçirməyib, həm də türk dünyasının birliyi və həmrəyliyi naminə mühüm addımlar atıb. Onun Azərbaycanın ərazi bütövlüyünün tam bərpa olunması arzusunun Prezident, Ali Baş Komandan İlham Əliyevin rəhbərliyi ilə gerçəkləşdiyi, hazırda Azərbaycanın regionda əsas söz sahibi olan dövlətə çevrildiyi vurğulanıb.

 

 

 

Tədbir ümummilli liderin 100 illik yubileyinə həsr olunmuş sənədli filmin nümayişi ilə başa çatıb.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/sloveniya-paytaxtinda-heyder-eliyevin-100-illiyi-qeyd-edilib-3924

 

 

 

 

]]> Eskişehirdə Heydər Əliyevin 100 illik yubileyinə həsr olunmuş şahmat turniri keçirilib https://rusyagazetesi.com/eskisehird%c9%99-heyd%c9%99r-%c9%99liyevin-100-illik-yubileyin%c9%99-h%c9%99sr-olunmus-sahmat-turniri-kecirilib-h52358.html Tue, 12 Dec 2023 11:10:52 +0000 https://1453kralmedya.com/eskisehird%c9%99-heyd%c9%99r-%c9%99liyevin-100-illik-yubileyin%c9%99-h%c9%99sr-olunmus-sahmat-turniri-kecirilib-h52358.html

 

 

 

 

Eskişehirdə Heydər Əliyevin 100 illik yubileyinə həsr olunmuş şahmat turniri keçirilib

, 2023

Eskişehirdə Heydər Əliyevin 100 illik yubileyinə həsr olunmuş şahmat turniri keçirilib

 

 

 

Türkiyənin Eskişehir şəhərində müasir Azərbaycan dövlətinin qurucusu, ümummilli lider Heydər Əliyevin 100 illik yubileyinə həsr olunmuş şahmat turniri keçirilib.

 

 

 

Diasporla İş üzrə Dövlət Komitəsinin dəstəyi, Eskişehir Azərbaycanlılar Dərnəyinin ev sahibliyi və Türkiyə-Azərbaycan Dərnəkləri Federasiyasının (TADEF) təşkilatçılığı ilə 9-10 dekabr tarixində baş tutan yarışda Türkiyənin 16 universitetdə təhsil alan 20 azərbaycanlı tələbə iştirak edib.

 

 

 

Turnirin açılış mərasimində çıxış edən Diaspora İş üzrə Dövlət Komitəsi sədrinin birinci müavini Valeh Hacıyev dünyanın nüfuzlu siyasətçiləri və dövlət xadimləri sırasında özünəməxsus yer tutan Heydər Əliyevin xilaskar missiyasından, ölkəmizin müstəqilliyinin qorunması və möhkəmləndirilməsi istiqamətində həyata keçirdiyi misilsiz xidmətlərindən danışıb. Onun bütün sahələrə olduğu kimi, idman sahəsinə də böyük diqqət və qayğı ilə yanaşdığı, Azərbaycanda güclü şahmat məktəbinin təşəkkülü məqsədilə mühüm qərarlar qəbul etdiyi vurğulanıb.

 

 

 

 

Sonra qrup mərhələsi oyunlarına start verilib. İki gün davam edən gərgin və maraqlı yarışda Kütahya Dumlupınar Universitetinin III kurs tələbəsi İbrahim Seyidov birinci yerə çıxıb. İkinci yeri Cəlal Bayar Universitetinin II kurs tələbəsi Fuad Məmmədli, III yeri 9 Eylül Universitetinin I kurs tələbəsi Gülümşah Ağacan tutub. 9 Eylül Universitetinin magistratura pilləsində təhsil alan Cahangir Mirizadə həvəsləndirici mükafata layiq görülüb.

Turnir bağlanış mərasimi ilə başa çatıb.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/eskisehirde-heyder-eliyevin-100-illik-yubileyine-hesr-olunmus-sahmat-turniri-kecirilib-3921

 

 

 

]]> Riqada Heydər Əliyevin 100 illiyi münasibətilə beynəlxalq turnir təşkil edilib https://rusyagazetesi.com/riqada-heyd%c9%99r-%c9%99liyevin-100-illiyi-munasib%c9%99til%c9%99-beyn%c9%99lxalq-turnir-t%c9%99skil-edilib-h52352.html Tue, 12 Dec 2023 08:02:01 +0000 https://1453kralmedya.com/riqada-heyd%c9%99r-%c9%99liyevin-100-illiyi-munasib%c9%99til%c9%99-beyn%c9%99lxalq-turnir-t%c9%99skil-edilib-h52352.html

 

 

 

Riqada Heydər Əliyevin 100 illiyi münasibətilə beynəlxalq turnir təşkil edilib

, 2023

Riqada Heydər Əliyevin 100 illiyi münasibətilə beynəlxalq turnir təşkil edilib

 

 

 

Riqa şəhərində yerləşən Rimi Olimpiya Mərkəzində müasir Azərbaycan dövlətinin qurucusu Heydər Əliyevin 100 illik yubileyinə həsr olunmuş Aşıhara karatesi üzrə beynəlxalq turnir keçirilib.

 

 

 

Diasporla İş üzrə Dövlət Komitəsinin dəstəyi və “Azəri” Gənclər Mərkəzinin təşkilatçılığı ilə 7-10 dekabr tarixində baş tutan yarışda 9 ölkədən (Almaniya, İsveçrə, Estoniya, Latviya, Litva, Kamerun, Niderland, Qazaxıstan, Yunanıstan) 110 idmançı iştirak edib.

 

 

 

Turnir iştirakçılarını salamlayan “Azəri” Gənclər Mərkəzinin sədri Amil Səlimov bildirib ki, bu il Azərbaycanda görkəmli dövlət xadimi Heydər Əliyevin anadan olmasının 100 illiyi münasibətilə “Heydər Əliyev İli” elan olunub. Azərbaycanda və dünyanın müxtəlif ölkələrində ulu öndərə həsr olunmuş müxtəlif tədbirlərin təşkil edildiyi, Heydər Əliyevin bütün sahələrə, o cümlədən idman sahəsinə də böyük diqqət və qayğı ilə yanaşdığı, idmançıların fəaliyyətini yüksək qiymətləndirdiyi diqqətə çatdırılıb. Yarış iştirakçılarına uğurlar arzulanıb.

Gərgin mübarizə şəraitində keçən turnirdə Latviya yığma komandası birinci yeri tutub. İkinci və üçüncü yerlərə Niderland və Yunanıstan komandaları çıxıb.

 

 

 

Qaliblərə üzərində Heydər Əliyevin fotosunun əks olunduğu kubok və medalları “Azəri” Gənclər Mərkəzinin sədri Amil Səlimov təqdim edib.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/riqada-heyder-eliyevin-100-illiyi-munasibetile-beynelxalq-turnir-teskil-edilib-3925

 

 

 

 

]]> Bişkekdə “Dilimiz milli sərvətimizdir” adlı elmi-praktik konfrans təşkil edilib https://rusyagazetesi.com/biskekd%c9%99-dilimiz-milli-s%c9%99rv%c9%99timizdir-adli-elmi-praktik-konfrans-t%c9%99skil-edilib-h51886.html Mon, 27 Nov 2023 16:54:15 +0000 https://1453kralmedya.com/biskekd%c9%99-dilimiz-milli-s%c9%99rv%c9%99timizdir-adli-elmi-praktik-konfrans-t%c9%99skil-edilib-h51886.html

 

 

 

Bişkekdə “Dilimiz milli sərvətimizdir” adlı elmi-praktik konfrans təşkil edilib

, 2023

Bişkekdə “Dilimiz milli sərvətimizdir” adlı elmi-praktik konfrans təşkil edilib

 

 

 

“Heydər Əliyev İli” çərçivəsində Qırğız Respublikasında keçirilməsi planlaşdırılan tədbirlər planına uyğun olaraq Bişkek şəhərində “Dilimiz milli sərvətimizdir” mövzusunda elmi-praktik konfrans keçirilib.

Azərbaycan Respublikası Diasporla İş üzrə Dövlət Komitəsinin dəstəyi, “İrs” İctimai Birliyinin və Qırğız Respublikasının Prezidenti yanında Dövlət Dili və Dil Siyasəti üzrə Milli Komissiyasının birgə təşkilatçılığı ilə baş tutan konfransda Qırğız Respublikası Prezident Administrasiyasının, ölkə parlamentinin (Joqorku Keneş), Elm və Təhsil Nazirliyinin, Mədəniyyət, Informasiya, İdman və Gənclər Siyasəti Nazirliyinin, Qırğızıstan Xalq Assambleyasının, Çingiz Aytmatov Fondunun nümayəndələri, hər iki ölkənin elm xadimləri və Azərbaycan diasporunun fəalları iştirak ediblər.

 

 

 

Qırğızıstan və Azərbaycanın Dövlət himnlərinin səsləndirilməsi ilə başlayan tədbirdə Heydər Əliyevin əziz xatirəsi bir dəqiqəlik sükutla yad edilib.

Tədbiri giriş sözü ilə Qırğız Respublikasının Prezidenti yanında Dövlət Dili və Dil Siyasəti üzrə Milli Komissiyanın sədri Kanıbek Osmonaliyev açaraq, Azərbaycana ən çətin dövrdə rəhbərlik etmiş, vətəninin inkişafı üçün hər cür münbit şərait yaratmış dünya şöhrətli siyasətçi Heydər Əliyevin 1995-ci ildə Qırğızıstanda keçirilən “Manas” dastanının 1000 illiyi ilə bağlı tədbirlərdə iştirak etdiyini, onun “Bir-birimizə kömək edəcək, böyük Manasın qoyduğu yolla birlikdə irəliləyəcəyik” müdrik fikrinin unudulmadığını xatırladıb.

 

 

 

Sonra Heydər Əliyevin həyat və fəaliyyətini əks edirən videoçarx nümayiş etdirilib.

Konfransda çıxış edən Diasporla İş üzrə Dövlət Komitəsinin sədri Fuad Muradov xatırladıb ki, bu il Azərbaycan Prezidenti İlham Əliyevin müvafiq Sərəncamına əsasən, ölkəmizdə “Heydər Əliyev İli” elan edilib. Milli mədəniyyətimizin, dilimizin, dinimizin, milli-mənəvi dəyərlərimizin ən böyük bilicisi və müdafiəçisi olan Heydər Əliyevin hələ sovet dövründə, 60-cı illərin sonlarından başlayaraq milli dilin təbliği üzrə ardıcıl siyasət apardığı, Azərbaycan dilinə dövlət dili statusunun verilməsi və onun qanunvericilikdə təsbit edilməsinə nail olduğu bildirlib.

 

 

 

Sonra Qırğız Respublikası Prezident Administrasiyasının şöbə müdirinin müavini, tarix elmləri doktoru, professor Oktyabr Kapalbayev, Qırğızıstan Xalq Assambleyasının sədri Almanbet Matubraimov, Qırğızıstan Parlamentinin sabiq spikeri, Qırğız Respublikasının Qəhrəmanı, Ağsaqqallar Şurasının sədri, Türk Dövlətləri Təşkilatı Ağsaqqallar Şurasının üzvü Prof. Dr. Medetkan Şerimkulov, ölkə parlamentinin deputatları Arslanbek Maliyev və Nurjigit Kadırbekov, Qırğızıstan Milli Akademiyasının akademikləri Abdılcan Akmataliyev və Sırtbay Musayev, Azərbaycan Respublikasının Dövlət Dil Komissiyası yanında Monitorinq Mərkəzinin direktoru, filologiya elmləri doktoru, professor Sevinc Əliyeva, Qırğızıstan-Azərbaycan Dostluq və Əməkdaşlıq Cəmiyyətinin sədri Akif Alaferdov, “Çingiz Aytmatov adına İssık-Kul Forumu” İctimai Birliyinin prezidenti, tanınmış diplomat, yazıçının oğlu Əsgər Aytmatov, “İrs” İctimai Birliyinin sədri Xansıvar Baxşəliyev, Qırğız Respublikasının Mədəniyyət, İnformasiya, İdman və Gənclər Siyasəti Nazirliyinin sektor və şöbə müdirləri Arkarbek Mamıtov və Altın Tursunbekova çıxış ediblər.

Qırğızıstanla Azərbaycanı bir-birinə ortaq tarixi köklər, mədəni ənənələr və mənəvi-əxlaqi dəyərlərin bağladığını vurğulayan natiqlər Heydər Əliyevlə bağlı xoş xatirələrini bölüşüblər. Onun Azərbaycan xalqının və türk dünyasının maraqları naminə həyata keçirdiyi misilsiz xidmətləri yüksək qiymətləndiriblər.

Komitə sədri ulu öndərin çox sevdiyi mahnılardan ibarət “Heydər Əliyevin sevimli musiqi inciləri” kitabını Qırğızıstan Parlamentinin sabiq spikeri, Qırğız Respublikasının Qəhrəmanı Medetkan Şerimkulova hədiyyə edib.

Konfrans yerli kütləvi informasiya vasitələri tərəfindən geniş şəkildə işıqlandrılıb.

 

 

 

Səfər çərçivəsində F.Muradovun Qırğız Respublikasının Prezidenti yanında Dövlət Dili və Dil Siyasəti üzrə Milli Komissiyanın sədri Kanıbek Osmonalievlə də görüşü keçirilib. Görüş zamanı qonağa komisiyanın fəaliyyəti barədə ətraflı məlumat verilib. Hazırda Qırğızıstanda iki dilin (qırğız və rus) rəsmi dövlət dili olduğu, bu durumun dəyişdirilməsini nəzərdə tutan yeni qanun layihəsinin hazırlanması ilə bağlı işlərin aparıldığı bildirilib.

Komissiya sədri Diasporla İş üzrə Dövlət Komitəsi ilə imzalanan Anlaşma Memorandumu əsasında Azərbaycan diasporu ilə silsilə tədbirlər keçirildiyini məmnunluqla vurğulayıb və mədəniyyət paytaxtımız Şuşa şəhərinə səfəri ilə bağlı xoş təəssüratlarını bölüşüb.

Komitə sədri səmimi qəbula və Qırğızıstandakı Azərbaycan diasporu ilə sıx əməkdaşlıq əlaqələrinə görə minnətdarlığını bildirib. “Azərbaycan Respublikasında dövlət dili haqqında” Qanunun və latın qrafikalı Azərbaycan əlifbasına keçidin tarixi barədə qısa məlumat verib.

 

 

 

Qeyd edilib ki, dövlət başçımızın doğma dilimizin təbliğinə dair tapşırıqları və dəstəyi əsasında müxtəlif xarici ölkələrdə 20-dən artıq Azərbaycan Evi yaradılıb və bu evlərin nəzdində Azərbaycan həftəsonu məktəbləri uğurla fəaliyyət göstərir. Növbəti il ərzində xarici ölkələrdə daha 10 Azərbaycan Evinin açılmasının nəzərdə tutulur.

 

 

 

Görüş əməkdaşlıq perspektivləri ilə bağlı fikir mübadiləsinin aparılması və qarşılıqlı xatirə hədiyyələrinin təqdim olunması ilə yekunlaşıb.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/biskekde-dilimiz-milli-servetimizdir-adli-elmi-praktik-konfrans-teskil-edilib-3849

 

 

]]> Maqdeburqda Diaspor Boks Liqasının idman zalı və “Ana dili” məktəbi açılıb https://rusyagazetesi.com/maqdeburqda-diaspor-boks-liqasinin-idman-zali-v%c9%99-ana-dili-m%c9%99kt%c9%99bi-acilib-h51649.html Mon, 20 Nov 2023 22:42:05 +0000 https://1453kralmedya.com/maqdeburqda-diaspor-boks-liqasinin-idman-zali-v%c9%99-ana-dili-m%c9%99kt%c9%99bi-acilib-h51649.html

 

 

 

Maqdeburqda Diaspor Boks Liqasının idman zalı və “Ana dili” məktəbi açılıb

20 noyabr, 2023

Maqdeburqda Diaspor Boks Liqasının idman zalı və “Ana dili” məktəbi açılıb

 

 

 

“Heydər Əliyev İli” çərçivəsində Almaniyanın Maqdeburq şəhərində Heydər Əliyev adına Dünya Boks Komitəsinin, Diaspor Boks Liqasının idman zalının və “Ana dili” məktəbinin açılış mərasimi keçirilib.

 

 

 

Diasporla İş üzrə Dövlət Komitəsinin dəstəyi, Heydər Əliyev adına Dünya Boks Komitəsinin və Diaspor Boks Liqasının təşkilkatçılığı ilə baş tutan tədbirdə Azərbaycan icmasının və yerli ictimaiyyətin nümayəndələri iştirak ediblər.

 

 

 

Azərbaycanın Dövlət Himninin səsləndirilməsi ilə başlayan tədbiri giriş sözü ilə Almaniya Azərbaycanlıları Alyansının İdarə Heyətinin üzvü, Alman-Azərbaycan Mədəniyyət Cəmiyyətinin sədri Yaşar Niftəliyev açıb. Bildirib ki, hazırda Almaniyadakı soydaşlarımız Müzəffər Ali Baş Komandan İlham Əliyevin rəhbərliyi ilə şanlı ordumuzun əldə etdiyi parlaq qələbə sayəsində qalib xalqın diasporu kimi qürur içində yaşayır. O, Almaniyadakı icmamızın idman sahəsində daha böyük uğurlara nail olması üçün Maqdeburqdakı azərbaycanlıların rəhbərlik etdikləri müxtəlif klubları bir yumruq kimi birləşməyə çağırıb.

 

 

 

 

Tədbir iştirakçılarını salamlayan Diasporla İş üzrə Dövlət Komitəsinin sədri Fuad Muradov yeni idman zalı və “Ana dili” məktəbindən ibarət olan növbəti Azərbaycan Evinin açılması münasibətilə Maqdeburq şəhərində və ətrafında yaşayan soydaşlarımızı təbrik edib. Qeyd edib ki, dövlətimizin bütün uğurlarının və qələbələrinin əsasında bu il 100 illiyini qürur içində qeyd etdiyimiz ümummilli lider, Azərbaycan xalqının xilaskarı Heydər Əliyevin misilsiz xidmətləri dayanır. Dünyanın müxtəlif ölkələrində, o cümlədən Almaniyada yaşayan soydaşlarımızın hər zaman Azərbaycanın nailiyyətlərini dəstəklədikləri, bunu öz fəaliyyətləri ilə nümayiş etdirdikləri vurğulanıb: “Ali Baş Komandanın bizə bəxş etdiyi qələbəni xaricdə yaşayan soydaşlarımız öz fəaliyyətində və həyatında uca tuturlar”.

 

 

 

Komitə sədri xatırladıb ki, Dünya Azərbaycanlıların V Qurultayında dövlət başçımızın soydaşlarımızın sıx yaşadığı şəhərlərdə Azərbaycan evlərinin daha intensiv şəkildə açılmasına dair xüsusi tapşırığı olub: “Biz bu tapşırığı yerinə yetiririk. Hazırda dünyanın 20-dən çox şəhərində Azərbaycan Evi fəaliyyət göstərir. İndi isə Maqdeburqda təkcə idman zalı və məktəb açılmır, eyni zamanda soydaşlarımızın bir araya gəlməsi üçün böyük bir ocaq açılır. Siz bilməlisiniz ki, Prezident İlham Əliyev övladlarımızın sağlam böyüməsi, Azərbaycan dilini, tarixini, mədəniyyətini öyrənməsi, soydaşlarımızın sağlam həyat tərsi keçirməsi, dünyanın müxtəlif ölkələrində nüfuzlu mövqelərə malik olmaları üçün bütün layihələri tam dəstəkləyir. Əgər dövlət başçımızın dəstəyi olmasaydı, biz belə layihələri həyata keçirə bilməzdik”.

 

 

 

O, Maqdeburqdakı Azərbaycan Evinin açılmasında və qurulmasında əməyi olan bütün soydaşlarımıza, hər zaman xalqımıza dost münasibəti sərgiləyən ictimai xadim, Xocalı soyqırımı haqqında kitabın müəllifi Dr. Rolf Kunsa və Maqdeburq şəhər şurasının üzvü Bernd Heynemana minnətdarlığını bildirib. Soydaşlarımızı diasporumuzun güclü olması naminə birlik və həmrəylik göstərməyə çağırıb.

 

 

 

 

Mərasimdə Diaspor Boks Liqasının baş məşqçisi Şamil Kərimov, Dr. Rolf Kunş, boksçu Aleksandr Frank, “Odlar Yurdu” klubunun prezidenti, boks üzrə dünya çempionu Azad Əzizov və başqaları çıxış ediblər. Bu əlamətdar hadisə ilə bağlı soydaşlarımızı təbrik edən, xoş arzularını bildirən natiqlər soydaşlarımıza diqqət və qayğı göstərən Azərbaycan dövlətinə təşəkkür ediblər. “Gənclər və uşaqlar üçün belə idman zalının və məktəbin açılması böyük nailiyyətdir. Azərbaycanın hər zaman dostu olmuşam və dostu olaraq da qalacağam”, – deyə R.Kunş vurğulayıb.

 

 

 

Qonaqlar idmançıların boks zalında məşqini və “Ana dili” məktəbinin ilk dərsini izləyiblər.

 

 

 

Qeyd edək ki, 11 ildir Almaniyanın Maqdeburq şəhərində davamlı fəaliyyət göstərən Heydər Əliyev adına Dünya Boks Komitəsinin yarışları artıq bu il sentyabrın 1-dən nüfuzlu “BoxRec” saytındakı dünya reytinq cədvəlinə düşüb. Bu addım ulu öndər Heydər Əliyevin adını daşıyan kəmərlərin bütün dünyada tanıdılması məqsədilə atılıb.

 

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/maqdeburqda-diaspor-boks-liqasinin-idman-zali-ve-ana-dili-mektebi-acilib-3828

 

 

]]> Barselonada “Heydər Əliyev İli” çərçivəsində “Zəfərin Qəhrəmanları” adlı opera konserti təşkil edilib https://rusyagazetesi.com/barselonada-heyd%c9%99r-%c9%99liyev-ili-c%c9%99rciv%c9%99sind%c9%99-z%c9%99f%c9%99rin-q%c9%99hr%c9%99manlari-adli-opera-konserti-t%c9%99skil-edilib-h51347.html Sun, 12 Nov 2023 06:04:25 +0000 https://1453kralmedya.com/barselonada-heyd%c9%99r-%c9%99liyev-ili-c%c9%99rciv%c9%99sind%c9%99-z%c9%99f%c9%99rin-q%c9%99hr%c9%99manlari-adli-opera-konserti-t%c9%99skil-edilib-h51347.html

 

 

 

 

Barselonada “Heydər Əliyev İli” çərçivəsində “Zəfərin Qəhrəmanları” adlı opera konserti təşkil edilib

, 2023

 

 

 

 

Barselonada “Heydər Əliyev İli” çərçivəsində “Zəfərin Qəhrəmanları” adlı opera konserti təşkil edilib

 

 

 

İspaniyanın Barselona şəhərində müasir Azərbaycan dövlətinin qurucusu Heydər Əliyevin anadan olmasının 100 illiyinə, 8 Noyabr – Zəfər Günü və 9 Noyabr – Bayraq Gününə həsr olunmuş “Zəfərin Qəhrəmanları” adlı opera konserti keçirilib.

 

 

 

 

Diasporla İş Üzrə Dövlət Komitəsinin dəstəyi, “Barselonadakı Azərbaycanlılar Cəmiyyəti” və Barselona Azərbaycan Evinin təşkilatçılığı ilə baş tutan tədbirdə Azərbaycanın İspaniyadakı səfirliyinin əməkdaşları, Azərbaycan icmasının, yerli ictimaiyyətin nümayəndələri və media mənsubları iştirak ediblər.

Azərbaycanın Dövlət Himninin səsləndirilməsi ilə başlayan tədbirdə görkəmli dövlət xadimi Heydər Əliyevin və ölkəmizin ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad olunub.

Tədbir Azərbaycanın Zəfər Gününə həsr olunmuş videoçarxın nümayişi ilə davam etdirilib.

Konsert öncəsi çıxış edən Azərbaycanın İspaniyadakı səfiri Ramiz Həsənov, “Barselonadakı Azərbaycanlılar Cəmiyyəti”nin və Barselona Azərbaycan Evinin rəhbəri Kərim Kərimov soydaşlarımızı və ölkəmizin dostlarını müasir dövlətçilik tariximizə qızıl hərflərlə həkk olunmuş Zəfər Günü münasibətilə təbrik ediblər. Azərbaycanın bu zirvəyə yüksəlməsində görkəmli dövlət xadimi Heydər Əliyevin əsasını qoyduğu və Müzəffər Ali Baş Komandan, Prezident İlham Əliyev tərəfindən böyük uğurla davam etdirilən uzaqgörən siyasətin misilsiz rolundan bəhs edilib, şanlı Ordumuzun ərazi bütövlüyümüzü tam bərpa etməsi, Xankəndidə Azərbaycanın Dövlət Bayrağının ucaldılması və Zəfər paradının keçirilməsi qürurverici hal kimi qiymətləndirilib.

 

 

 

Sonra Azərbaycanın xalq artisti Fidan Hacıyevanın, ispan və milli rəqs qruplarının ifasında rəngarəng konsert proqramı təqdim edilib.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/barselonada-heyder-eliyev-ili-cercivesinde-zeferin-qehremanlari-adli-opera-konserti-teskil-edilib-3783

 

 

 

]]> Hyuston şəhərində Heydər Əliyevin 100 illiyi və Zəfər Günü qeyd edilib https://rusyagazetesi.com/hyuston-s%c9%99h%c9%99rind%c9%99-heyd%c9%99r-%c9%99liyevin-100-illiyi-v%c9%99-z%c9%99f%c9%99r-gunu-qeyd-edilib-h51345.html Sun, 12 Nov 2023 01:06:59 +0000 https://1453kralmedya.com/hyuston-s%c9%99h%c9%99rind%c9%99-heyd%c9%99r-%c9%99liyevin-100-illiyi-v%c9%99-z%c9%99f%c9%99r-gunu-qeyd-edilib-h51345.html

 

 

 

 

Hyuston şəhərində Heydər Əliyevin 100 illiyi və Zəfər Günü qeyd edilib

, 2023

Hyuston şəhərində Heydər Əliyevin 100 illiyi və Zəfər Günü qeyd edilib

ABŞ-ın Texas ştatının Hyuston şəhərində müasir Azərbaycan dövlətinin qurucusu Heydər Əliyevin anadan olmasının 100 illiyinə və 8 Noyabr – Zəfər Gününə həsr olunmuş tədbir keçirilib.

Diasporla İş üzrə Dövlət Komitəsinin dəstəyi və ABŞ-Azərbaycan İnteqrasiya Mərkəzinin (USACI) təşkilatçılığı ilə baş tutan tədbirdə yerli ictimaiyyətin, ölkəmizə dost icmaların nümayəndələri və soydaşlarımız iştirak ediblər.

 

 

 

 

Azərbaycan və ABŞ-ın Dövlət himnlərinin səsləndirilməsi ilə başlayan tədbirdə ümummilli lider Heydər Əliyevin və ölkəmizin ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

 

 

 

 

 

Günel Ağasoyun moderatorluğu ilə aparılan tədbiri giriş sözü ilə USACI-nin rəhbəri, Amerika Azərbaycanlıları Koordinasiya Şurasının İdarə Heyətinin üzvü Samir Novruzov açaraq, soydaşlarımızı xalqımızın misilsiz bayramı – Zəfər Günü münasibətilə təbrik edib. Bildirib ki, yaşadığı dövrün bütün çətinliklərinə baxmayaraq, görkəmli siyasi və dövlət xadimi Heydər Əliyevin ölkəmizin dünya birliyinə inteqrasiya olunmasında müstəsna xidmətləri olub.

 

 

 

 

Tədbir iştirakçılarını salamlayan Diasporla İş üzrə Dövlət Komitəsinin sədr müavini Elşad Əliyev Texas ştatında yaşayan soydaşlarımızı Azərbaycanın Zəfər Günü, Dövlət Bayrağı Günü, ölkəmizin suverenliyinin və ərazi bütövlüyünün tam bərpası münasibətilə təbrik edib. Bu il dünyanın müxtəlif ölkələrində, o cümlədən ABŞ-da “Heydər Əliyev İli” çərçivəsində silsilə tədbirlər keçirildiyini vurğulayan sədr müavini ulu öndərin vətənimiz qarşısında misilsiz xidmətlərindən danışıb, onun əsas arzusunun Prezident, Müzəffər Ali Baş Komandan İlham Əliyevin rəhbərliyi ilə şanlı Azərbaycan ordusu tərəfindən yerinə yetirildiyini xatırladıb. “Ulu öndərin öz kökünə, xalqına məhəbbətini ifadə edən məşhur “Mən fəxr edirəm ki, azərbaycanlıyam” misrasını hamımız qəlbimizdə məhəbbətlə daşıyırıq. Hesab edirik ki, Heydər Əliyev irsi həm xalqımız, həm də dünya təcrübəsi üçün mühüm məktəbdir. Milli-mənəvi, eləcə də ümumbəşəri dəyərlərə söykənən bu irs Qələbəyə aparan yoldur”, – deyə o, vurğulayıb.

 

 

 

 

Tədbirdə çıxış edən Azərbaycanın ABŞ-dakı səfirliyinin konsulu Mahmud Mahmudov, Dallas Universitetinin müəllimi, astrofizika üzrə professor Dürdanə Balakişiyeva, jurnalist Sofiya Tabarovskaya ulu öndərlə, onun ABŞ-a və Hyustona səfərləri ilə bağlı xoş xatirələrini bölüşüblər. Sofya Tabarovskayanın Heydər Əliyevin 30 il öncə Texasa səfəri zamanı yerli radioya müsahibəsinin bir hissəsini səsləndirməsi tədbir iştirakçıları tərəfindən alqışlarla qarşılanıb. Natiqlər Zəfər və Bayraq günlərinin xalqımızın və dünya azərbaycanlıların həyatında rolundan danışıblar.

 

 

 

 

ABŞ-ın Azərbaycandakı keçmiş səfiri Metyu Brayzanın Heydər Əliyevlə bağlı xatirələri, azərbaycanlı tarixçi, “Bakının sirləri” televiziya layihəsinin müəllifi və teleaparıcı Fuad Axundovun tarixi hadisələrlə əlaqəli çıxışı tədbir iştirakçılarına video formatda çatdırılıb.

Tədbir ulu öndər Heydər Əliyevə həsr olunmuş və Azərbaycan Diasporuna Dəstək Fondunun dəstəyi ilə ərsəyə gəlmiş “Böyük sənət hamısı” sənədli filminin nümayişi ilə davam edib.

Bədii hissədə Davud Əsgərlinin ifasında Azərbaycan bəstəkarlarının əsərləri, o cümlədən Müslüm Maqomayevin “Azərbaycan” mahnısı səsləndirilib.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/hyuston-seherinde-heyder-eliyevin-100-illiyi-ve-zefer-gunu-qeyd-edilib-3784

 

 

]]> Mayamidə “Vətən nəğmələri” adlı konsert və Azərbaycan icması ilə görüş keçirilib https://rusyagazetesi.com/mayamid%c9%99-v%c9%99t%c9%99n-n%c9%99gm%c9%99l%c9%99ri-adli-konsert-v%c9%99-az%c9%99rbaycan-icmasi-il%c9%99-gorus-kecirilib-h48037.html Sat, 29 Jul 2023 15:24:21 +0000 https://1453kralmedya.com/mayamid%c9%99-v%c9%99t%c9%99n-n%c9%99gm%c9%99l%c9%99ri-adli-konsert-v%c9%99-az%c9%99rbaycan-icmasi-il%c9%99-gorus-kecirilib-h48037.html

 

 

 

 

Mayamidə “Vətən nəğmələri” adlı konsert və Azərbaycan icması ilə görüş keçirilib

 

2023

 

 

 

 

Mayamidə “Vətən nəğmələri” adlı konsert və Azərbaycan icması ilə görüş keçirilib
ABŞ-ın Florida ştatının Mayami şəhərində Azərbaycana həsr olunmuş “Vətən nəğmələri” adlı konsert və Azərbaycan icması ilə görüş keçirilib.

 

 

 

 

Diasporla İş üzrə Dövlət Komitəsinin dəstəyi və Florida Azərbaycanlıları İcmasının təşkilatçılığı ilə baş tutan tədbirdə türk diasporunun da nümayəndələri iştirak ediblər.

Görüş iştirakçılarını salamlayan Komitə sədri Fuad Muradov 44 günlük Vətən müharibəsi dövründə Azərbaycan həqiqətlərinin təbliği məqsədilə Florida ştatında geniş məlumatlandırma kampaniyası apardıqlarına görə icma üzvlərinə minnətdarlığını bildirib.

 

 

 

 

Prezident İlham Əliyevin Dünya Azərbaycanlılarının Şuşada keçirilən V Qurultayında səsləndirdiyi tapşırıq və tövsiyələri xatırladan Komitə sədri dövlət başçımızın “Əlbəttə, biz hamımız – Azərbaycanda yaşayan azərbaycanlılar istəyirik ki, xaricdə yaşayan azərbaycanlılar öz tarixi Vətəni ilə sıx bağlı olsunlar. Heç olmasa, ildə bir dəfə hər bir azərbaycanlı öz ailəsi ilə Azərbaycana gəlsə, yaxşı olar” fikrinə diqqəti cəlb edib.

 

 

 

 

Sonra xaricdə yaşayan həmvətənlərimizin həmrəyliyinin təmin olunması və post-müharibə dövründə Azərbaycan həqiqətlərinin, mədəniyyətinin daha güclü və mütəşəkkil şəkildə Florida ictimaiyyətinə çatdırılması naminə xaricdəki Azərbaycan icmalarının birlik mexanizmləri haqqında ətrafllı məlumat verib. Koordinasiya Şuralarının, Azərbaycan Evlərinin və Azərbaycan həftəsonu məktəblərinin fəaliyyət istiqamətlərindən danışıb.

 

 

 

 

Tədbirdə Florida Azərbaycanlıları İcmasının rəhbəri Esmira Bayramova, Nova Southeast Universitetindəki Azərbaycanlı Tələbələr Assosiasiyasının idarə heyətinin üzvü Lalə Orucova və Cənubi Azərbaycan əsilli yazıçı, “Jirtdan’s Halloween” kitabının müəllifi Dərya Hodai çıxış ediblər. Onlar təmsil etdikləri təşkilatların fəaliyyətindən və gördükləri işlərdən bəhs ediblər.

İcma üzvləri görüşün və konsert proqramının təşkil olunmasına görə Diasporla İş üzrə Dövlət Komitəsinə minnətdarlıqlarını bildiriblər. Komitənin soydaşlarımızı daim bir araya gətirərək Azərbaycan həqiqətlərini, mədəniyyətini yerli ictimaiyyətə çatdırılması və eyni zamanda istedadlı soydaşlarımızın tanıdılması istiqamətində hər zaman dəstək göstərdiyi bir daha nəzərə çatdırılıb.

 

 

 

 

Rəsmi hissədən sonra tarixi vətənini dünyada təmsil edən, ABŞ-da yaşayan azərbaycanlı musiqiçi Xan Bəyli (Şirvan Ağabəyli) Azərbaycana həsr olunmuş “Vətənin nəğmələri adlı” solo konsertlə çıxış edib. Konsertdə “Səslə məni”, “Sevirəm, “Azəri torpağı”, Azərbaycan maralı”, “Gəl yanıma”, “Reyhan”, “Yalan” və digər Azərbaycan xalq və bəstəkar mahnıları səslənib. Tədbir iştirakçıları Xan Bəylinin və onu müşayiət edən musiqiçi qrupun ifasını alqışlarla qarşılayıblar.

 

 

 

 

 

Konsertdən sonra soydaşlarımız Azərbaycanın tarixi və coğrafi önəmini, eləcə də Şərq-Qərb mədəniyyətini özündə ehtiva edən müasir musiqi mərkəzi olduğunu nümayiş etdirən konsertin soydaşlarımızın bir araya gəlməsində mühüm rol oynadığını nəzərə çatdırıblar. Bundan sonra da mədəniyyətimizi xaricdə təbliğ edən azərbaycanlı musiqiçilərin konsertlərinin daha çox təşkil edilməsinin vacibliyini bildiriblər.

Qeyd edək ki, Azərbaycan əsilli Xan Bəyli Ukraynada doğulub. Onun ailəsi 80-ci illərin sonunda Azərbaycandan Ukraynaya köçüb. İlk musiqi təhsilini Ukraynada alıb, sonradan Azərbaycanda və Bostonda təhsilini davam etdirib. Berkli Musiqi Kollecini bitirib. Öncə Nyu-Yorkda, indi isə Florida ştatında fəaliyyət göstərir. Onun repertuarında əsas yeri Azərbaycan mahnıları tutur. O, ABŞ-dakı bütün konsertlərində doğma yurdun nəğmələrini ifa edir.

 

 

 

 

Diasporla İş üzrə Dövlət Komitəsi Azərbaycanı təbliğ etmələri məqsədilə mədəniyyət, incəsənət və idman sahəsində xüsusi istedadı olan diaspor nümayəndələrinin fəaliyyətini dəstəkləyir.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/mayamide-veten-negmeleri-adli-konsert-ve-azerbaycan-icmasi-ile-gorus-kecirilib-3284

 

 

]]> Bişkekdə Heydər Əliyevin 100 illik yubileyi münasibətilə bayram şənliyi təşkil edilib https://rusyagazetesi.com/biskekd%c9%99-heyd%c9%99r-%c9%99liyevin-100-illik-yubileyi-munasib%c9%99til%c9%99-bayram-s%c9%99nliyi-t%c9%99skil-edilib-h46330.html Sun, 11 Jun 2023 07:35:47 +0000 https://1453kralmedya.com/biskekd%c9%99-heyd%c9%99r-%c9%99liyevin-100-illik-yubileyi-munasib%c9%99til%c9%99-bayram-s%c9%99nliyi-t%c9%99skil-edilib-h46330.html

Bişkekdə Heydər Əliyevin 100 illik yubileyi münasibətilə bayram şənliyi təşkil edilib
9 iyun, 2023

 

 

 

Bişkekdə Heydər Əliyevin 100 illik yubileyi münasibətilə bayram şənliyi təşkil edilib
Bişkek şəhərindəki Qırğızıstan-Azərbaycan Dostluğu Parkında müasir Azərbaycan dövlətinin qurucusu, türk dünyasının qüdrətli liderlərindən biri olan Heydər Əliyevin anadan olmasının 100 illiyinə həsr olunmuş bayram şənliyi keçirilib.

 

 

 

 

Diasporla İş üzrə Dövlət Komitəsinin dəstəyi, “Mərkəzi Asiyada Mütərəqqi Azərbaycanlılar Birliyi”nin təşkilatçılığı ilə baş tutan tədbirdə yerli ictimaiyyətin nümayəndələri və Azərbaycan diasporunun fəalları iştirak ediblər.

 

 

 

 

Şənlik iştirakçılarını salamlayan birlik sədri Xansıvar Baxşəliyev xalqımızın ümummilli lideri Heydər Əliyevin ölkəmizin müstəqilliyinin bərqərar olmasında və möhkəmləndirilməsində misilsiz xidmətləri barədə məlumat verib. Qeyd edib ki, belə tədbirlər qardaş Azərbaycan və Qırğızıstan xalqlarını daha da yaxınlaşdırır.

Sonra rəngarəngliyi ilə fərqlənən proqram təqdim olunub: Heydər Əliyevin həyat və siyasi fəaliyyətini əks etdirən fotosərgi nümayiş etdirilib, Azərbaycan musiqisi səsləndirilib, milli adət-ənənələrə xas əyləncəli oyunlar təşkil olunub, ustad dərsləri keçirilib, ziyarətçilər milli mətbəx nümunələrinə qonaq edilib.

 

 

 

 

Qeyd edək ki, Bişkek şəhərində Qırğızıstan-Azərbaycan Dostluq Parkı 11 oktyabr 2022-ci ildə açılıb. Parkın açılışında Azərbaycan Prezidenti İlham Əliyev və Qırğızıstan Prezidenti Sadır Japarov iştirak ediblər.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/biskekde-heyder-eliyevin-100-illik-yubileyi-munasibetile-bayram-senliyi-teskil-edilib-3092

]]> Britaniyadakı icmamız baronessa Koksun cəzalandırılması tələbi ilə parlament komitəsinə müraciət edib https://rusyagazetesi.com/britaniyadaki-icmamiz-baronessa-koksun-c%c9%99zalandirilmasi-t%c9%99l%c9%99bi-il%c9%99-parlament-komit%c9%99sin%c9%99-muraci%c9%99t-edib-h46313.html Sat, 10 Jun 2023 15:38:50 +0000 https://1453kralmedya.com/britaniyadaki-icmamiz-baronessa-koksun-c%c9%99zalandirilmasi-t%c9%99l%c9%99bi-il%c9%99-parlament-komit%c9%99sin%c9%99-muraci%c9%99t-edib-h46313.html

Britaniyadakı icmamız baronessa Koksun cəzalandırılması tələbi ilə parlament komitəsinə müraciət edib

, 2023

Resim
Britaniyadakı icmamız baronessa Koksun cəzalandırılması tələbi ilə parlament komitəsinə müraciət edib
Böyük Britaniya və Şimali İrlandiya Birləşmiş Krallığında yaşayan Azərbaycan icması qızışdırıcı islamofob fikirlərinə görə Lordlar Palatasının üzvü Karolina Ann Koksun (baronessa Koks) cəzalandırılmasını tələb edir.

 

 

 

 

Britaniya Azərbaycan İcmasının sədri Fəridə Pənahovanın adından Britaniya Parlamentinin Standartlar üzrə Komitəsinin sədri Kristofer Con Brayanta ünvanlanmış müraciətdə baronessa Koksun tvitləri “Azərbaycanın Qarabağ regionunda nifrətin qəsdən alovlandırılması” kimi qiymətləndirilib və Azərbaycan icmasının sülh prosesinə mane olan bu tvitlərdən və xəbərlərdən dərin narahatlığı ifadə edilib: “Lordlar Palatası üzvünün sağçı siyasətçilərin diqqətini cəlb etmək üçün bu cür bölücü taktikalara əl atması, xüsusən də dindən sui-istifadəsi və islamofobiyanı təbliğ etməsi təəssüf doğurur”.

 

 

 

Lordlar Palatasının demokratik dəyərlərin qorunmasında və cəmiyyətdə harmoniyanın təşviqində əsas rol oynadığı, amma Baronessa Koksun təhrik və ayrı-seçkilik çalarları ilə dolu mətnaltı tvitlərinin bu prinsiplərə uyğun gəlmədiyi nəzərə çatdırılıb. “Söz azadlığı, şübhəsiz ki, qorunmalı fundamental hüquqdur, lakin ondan nifrət, dözümsüzlük və ya islamofobiyanı qızışdırmaq üçün qalxan kimi istifadə etmək olmaz. Lordlar Palatası mötəbər institut kimi öz üzvlərinin söz azadlığı hüquqlarından qarşılıqlı anlaşma, əməkdaşlıq və dözümlülüyü təşviq edən tərzdə məsuliyyətlə istifadə etmələrini təmin etməlidir”, – deyə icma sədri xatırladıb.

 

 

 

 

Standartlar Komitəsinin belə davranışı aradan qaldırmaq üçün tədbirlər görməsinin zəruri olduğuna diqqəti cəb edən icma sədri bu tələbini “Lordlar Palatasının reputasiyasına kölgə salınması, onun ədalət və inklüzivlik prinsiplərinə sadiqliyinə xələl gətirilməsi” arqumentləri ilə əsaslandırıb: “Baronessa Koksun tvitlərinin ciddi nəticələrini nəzərə alaraq, Standartlar Komitəsindən bu məsələni hərtərəfli araşdırmasını rica edirəm. Onun hərəkətlərinin Lordlar Palatasının müəyyən etdiyi standartları və prinsipləri pozduğunu müəyyən etmək olduqca vacibdir. Üstəlik, mən komitəni baronessa Koksa töhmət vermək və onu qınamaq kimi müvafiq tədbirlər görməyə çağırıram. Bu, Lordlar Palatasında belə davranışın qəbuledilməz olduğuna dəqiq aydınlıq gətirə bilər”.

Lordlar Palatasında baronessa Koksun mövqeyini yada salan icma sədri vurğulayıb ki, o, hər iki icma üçün sülhməramlı tədbirlərin təşəbbüskarı və həyata keçirilməsində ön sıralarda olmaq əvəzinə, şüurlu olaraq qəsdən tam əksini – erməni və azərbaycanlı icmalarını münaqişədə saxlamaq üçün təxribat və daha da yadlaşdırma strategiyasını seçib və həyata keçirir.

 

 

 

 

İcma sədri hesab edir ki, Standartlar Komitəsi bu problemi həll etməklə, Lordlar Palatasına ictimai etimadın və inamın bərpasına kömək edə bilər: “Bundan əlavə, bu, komitənin etik standartları qorumaq və mötəbər qurumda demokratiya və inklüzivlik prinsiplərinə əməl olunmasını təmin etmək öhdəliyini nümayiş etdirəcək. İnanıram ki, Standartlar Komitəsi söylənilən narahatlığı aradan qaldırmaq üçün sürətli və qətiyyətli addımlar atacaq. Əvvəlki kimi ümidvaram ki, Sizin səyləriniz sayəsində Lordlar Palatası bundan sonra da ədalət və hamıya hörmət mayakı olmağa davam edəcək”.

 

 

 

 

Xatırladaq ki, 1982-ci ildən Lordlar Palatasının üzvü olan (Baronessa Koks) eyni zamanda ermənipərəst mövqe nümayiş etdirəm “Humanitarian Aid Relief Trust” (HART) adlı təşkilatın təsisçisidir. 20 aprel 2023-ci il tarixində istintaq Baronessa Koksu özəl firmada (Equal and Free Ltd) maraqlarını bəyan etmədiyi üçün təqsirli bilinib və davranış kodeksini pozmaqda ittiham edib (https://find-and-update.company-information.service.gov.uk/company/08143808). Standartlar üzrə Komitə bu fakt aşkar edildikdən sonra Baronessa Koksdan üzr istəməyi tələb edib.

 

 

 

 

Qeyd edək ki, baronessa Koks Azərbaycanın razılığı olmadan dəfələrlə Dağlıq Qarabağa səfərlər edib. Azərbaycan Respublikasının Xarici İşlər Nazirliyi “Dövlət sərhədləri haqqında” Azərbaycan Respublikasının Qanununu pozduğuna görə baronessa Koksun adını persona-non-qrata siyahısına salıb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/britaniyadaki-icmamiz-baronessa-koksun-cezalandirilmasi-telebi-ile-parlament-komitesine-muraciet-edib-3093

]]>