eydər Əliyev – Rusya Gazetesi

ABŞ-da Heydər Əliyevin 100 illik yubileyi qeyd olunub

Abdullah Yiğit — Thu, 09 Nov 2023 13:10:58 +0000

ABŞ-da Heydər Əliyevin 100 illik yubileyi qeyd olunub

, 2023

ABŞ-da Heydər Əliyevin 100 illik yubileyi qeyd olunub

ABŞ-nin Nyu-York şəhərində fəaliyyət göstərən “Yale Club”da müstəqil Azərbaycan dövlətinin qurucusu, dahi siyasətçi və görkli dövlət xadimi Heydər Əliyevin anadan olmasının 100-cü ildönümü ilə əlaqədar tədbir keçirilib.

Tədbir Diasporla İş üzrə Dövlət Komitəsinin dəstəyi və Amerika-Azərbaycan Cəmiyyətinin birgə təşkilatçılığı ilə baş tutub.

Tədbirdə ABŞ-də fəaliyyət göstərən diplomatik korpusun nümayəndələri, Azərbaycan, Türkiyə və digər türk dövlətlərini təmsil edən səfirlər, diplomatlar, müxtəlif ştat və şəhərlərdə yaşayan diaspor fəalları, ziyalılar və yerli ictimayyətin nümayəndələri iştirak ediblər.

Əvvəlcə Azərbaycanın və Amerika Dövlət himnləri səsləndirilib, Ümummilli Lider Heydər Əliyevin və ölkəmizin ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.

Amerika-Azərbaycan Cəmiyyətinin sədri Tomris Azəri müdrik dövlət xadimi Heydər Əliyevin zəngin dövlətçilik irsindən və onunla bağlı xatirələrindən danışıb.

Azərbaycanın BMT-dəki daimi nümayəndəsi Yaşar Əliyev çıxışında qeyd edib ki, Heydər Əliyev öz xalqını zamanın mürəkkəb tarixi-siyasi sınaqlarından uğurla çıxarmış və ardıcıl mübarizə apararaq onu müstəqilliyə qovuşdurmuş qüdrətli şəxsiyyətdir. Diplomat bildirib ki, ölkəmizin ulu öndər tərəfindən möhkəm təməllər əsasında qurulan ərazi bütövlüyünün bərpa olunması və 44 günlük Vətən müharibəsində qazanılmış şanlı qələbə Heydər Əliyev ideyalarının təntənəsi, Prezident İlham Əliyevin uğurlu və uzaqgörən siyasətinin real nəticəsidir.

Diasporla İş üzrə Dövlət Komitəsinin sədr müavini Elşad Əliyev isə çıxışında ulu öndərin gələcək nəsillər üçün mükəmməl vətəndaş nümunəsi, eyni zamanda zəngin təcrübəyə malik dövlət xadimi və Vətənini sevən dahi şəxsiyyət olduğunu bildirib. Heydər Əliyevin Azərbaycanın qlobal dünyaya inteqrasiyası üçün usanmadan səy göstərdiyini, onun siyasi təcrübəsi sayəsində gənc dövlət olan Azərbaycanın bir çox dövlətlər, o cümlədən ABŞ ilə möhkəm diplomatik və iqtisadi əməkdaşlıq əlaqələri qurduğunu diqqətə çatdırıb.

Azərbaycanın Vaşinqtondakı səfirliyinin konsulu Vüqar Qurbanov Heydər Əliyevin xalqımız və müstəqilliyimiz üçün tarixi əhəmiyyət kəsb edən xidmətlərindən bəhs edib.

Gecədə Amerika Muğam Cəmiyyətinin prezidenti, Azərbaycan muğamının tədqiqatçısı və kamança ifaçısı Cefri Verbok Heydər Əliyevlə görüşündən və ulu öndərlə bağlı xatirələrindən danışıb. Sənətçinin ifasında səslənən “Çahargah” muğamı qonaqlar tərəfindən alqışlarla qarşılanıb.

Tədbirdə ABŞ-ın Nyu-York şəhərində fəaliyyət göstərən Milli Musiqi və Qlobal Mədəniyyət Cəmiyyətinin təsisçisi, tanınmış pianoçu, Azərbaycanın əməkdar artisti Nərgiz Əlyarovanın ifasında “1001 gecə” baletindən “Oxatanların rəqsi” əsəri ifa olunub.

Daha sonra Hartford Universitetinin professoru Kamilla Məmmədovanın pianoda ifasında görkəmli bəstəkar Qara Qarayevin repertuarından mahnılar səsləndirilib.

Tədbirdə Nyu-Yorkda yaşayan azərbaycanlı rəssam-heykəltəraş Emin Quliyevin ulu öndərin 100 illik yubleyinə ərməğan etdiyi abidə təqdim olunub.

Gecənin sonunda Heydər Əliyevin həyat və fəaliyyətindən bəhs edən sənədli film nümayiş olunub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/abs-da-heyder-eliyevin-100-illik-yubileyi-qeyd-olunub-3766

Qırğızıstan paytaxtında Heydər Əliyevə həsr olunmuş mini-futbol turniri keçirilib

Abdullah Yiğit — Thu, 18 May 2023 19:44:15 +0000

Qırğızıstan paytaxtında Heydər Əliyevə həsr olunmuş mini-futbol turniri keçirilib

, 2023
Qırğızıstan paytaxtında Heydər Əliyevə həsr olunmuş mini-futbol turniri keçirilib

Qırğızıstanın Bişkek şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş mini-futbol turniri keçirilib.

“Mərkəzi Asiyada Mütərəqqi Azərbaycanlıların Birliyi” ictimai təşkilatı tərəfindən təşkil olunan turnirdə Qırğızıstan və Qazaxıstanda fəaliyyət göstərən Azərbaycan diasporunun komandaları iştirak ediblər.

Turnirdə birinci yeri Qırğızıstanın “Fomz” komandası tutub. Qalib komandalara diplomlar, medallar, kubok və pul mükafatları təqdim olunub.

Birliyin sədri Xansıvar Baxşəliyev bildirib ki, 3 ildir Azərbaycan diasporunun gəncləri arasında bu turniri davamlı olaraq təşkil etməklə soydaşlarımız dahi şəxsiyyət Heydər Əliyevin xatirəsini böyük ehtiramla yad edirlər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/qirgizistan-paytaxtinda-heyder-eliyeve-hesr-olunmus-mini-futbol-turniri-kecirilib-2969

“Florida Keys” müsabiqəsinin Nyu-Yorkdakı qala-konserti Heydər Əliyevin 100 illik yubileyinə həsr edilib

Abdullah Yiğit — Sat, 11 Mar 2023 19:49:05 +0000

“Florida Keys” müsabiqəsinin Nyu-Yorkdakı qala-konserti Heydər Əliyevin 100 illik yubileyinə həsr edilib
, 2023
“Florida Keys” müsabiqəsinin Nyu-Yorkdakı qala-konserti Heydər Əliyevin 100 illik yubileyinə həsr edilib
Nyu-York şəhərindəki məşhur “Carnegie Hall” mədəniyyət mərkəzinin “Weill” konsert salonunda VIII “Florida Keys” beynəlxalq musiqi müsabiqəsinin qala-konserti keçirilib.

Diasporla İş üzrə Dövlət Komitəsinin (DİDK) dəstəyi, Florida ştatında fəaliyyət göstərən Amerika-Azərbaycan Mədəniyyət Assosiasiyasının rəhbəri Töhfə Eminova və assosiasiyanın nəzdindəki Təhsil və mədəniyyət məsələləri üzrə komitənin rəhbəri Pərvin Muradovun birgə təşkilatçılığı ilə baş tutan tədbirdə DİDK-nın, ölkəmizin ABŞ-dakı səfirliyinin və BMT-dəki nümayəndəliyinin əməkdaşları da iştirak ediblər.

Öncə Azərbaycan və ABŞ-ın Dövlət himnləri səsləndirilib. Tədbir iştirakçılarını salamlayan “Florida Keys” musabiqəsinin direktoru Pərvin Muradov bildirib ki, bu il ölkəmizdə və dünyada müasir Azərbaycan dövlətinin qurucusu, görkəmli dövlət xadimi Heydər Əliyevin anadan olmasının 100 illiyi qeyd edilir. “Florida Keys” müsabiqəsi bu mühüm hadisəni nəzərə alaraq qala-konserti ulu öndərin yubileyinə həsr edib.

Tədbirdə çıxış edən Diasporla İş üzrə Dövlət Komitəsi sədrinin müavini Elşad Əliyev uzun illər ABŞ-da maraqlı musiqi yarışması təşkil etdiklərinə görə Pərvin Muradov və Töhfə Eminova başda olmaqla “Florida Keys” müsabiqəsinin komandasına, münsiflər heyətinə, musiqiçilərə, müəllimlərə və valideynlərə minnətdarlığını bildirib.

“Bildiyiniz kimi, builki qala-konsert Azərbaycanın dahi şəxsiyyəti, Azərbaycan mədəniyyətinin və musiqisinin böyük dəstəkçisi Heydər Əliyevin 100 illik yubileyinə həsr olunub. Əminik ki, ulu öndər də bütün Azərbaycan xalqı kimi bu tədbirin təşkilinə görə qürur duyur. Onun ruhu şaddır”, – deyə sədr müavini vurğulayıb.

“Carnegie Hall” kimi məşhur mədəniyyət ocağında çıxış etmək şərəfinə nail olmuş qalibləri təbrik edən sədr müavini müsabiqədə iştirak etmiş bütün gənclərə uğurlar arzulayıb.

Tədbirdə Azərbaycanın ABŞ-dakı səfirliyinin birinci katibi Toğrul Əliyev də çıxış edib.

Sonra “Florida Keys” müsabiqəsinin finalçıları Azərbaycan və dünya klassik bəstəkarlarının əsərlərini ifa ediblər. Konsert proqramında xalqımızın dahi şəxsiyyəti Heydər Əliyevin çox sevdiyi “Küçələrə su səpmişəm” Azərbaycan xalq mahnısı və əfsanəvi bəstəkar-müğənni Müslüm Maqomayevin “Azərbaycan” mahnısı səsləndirilib.

Tədbir müxtəlif nominasiyalar üzrə müsabiqənin qaliblərinin elan edilməsi, onlara diplom və mükafatların təqdim olunması ilə yekunlaşıb. Qaliblər arasında Azərbaycan, ABŞ, Almaniya, İsrail və Gürcüstan kimi ölkələri təmsil edən musiqiçilər olub.

Builki qalibləri Türkiyənin Ərzrum şəhərindəki Atatürk Universitetinin professoru, pianoçu Həqiqət Məhərrəmova (sədr), Kaliforniyadakı San Xose Dövlət Universitetinin professoru, pianoçu Namiq Sultanov, Metropolitan Operanın solisti, bariton Aleksey Lavrov, Kolumbiya Universitetinin nəzdindəki musiqi məktəbinin və İsveçrənin Lozanna Konservatoriyasının nəzdindəki Ali Musiqi Məktəbinin skripka üzrə professoru Sergey Şvarts, Alberto-Korto adına Paris musiqi məktəbinin və Rüey-Malmezon Konservatoriyasının fortepiano üzrə professoru Rəna Şereşevskaya-Mustafabəyli, Madriddəki Kraliça Sofiya adına musiqi məktəbində “Fundación Banco Santander” fortepiano fondunun sədri, professor Stanislav Yudeniçdən ibarət münsiflət heyəti müəyyənləşdirib.

Qeyd edək ki, Azərbaycanın görkəmli bəstəkarı Cövdət Hacıyev adına “Florida Keys” müsabiqəsi dünyanın hər yerindən istedadlı musiqiçilərin üzə çıxarılması, “Carnegie Hall” mərkəzində çıxış etmək imkanının yaradılması, Azərbaycanın zəngin musiqi mədəniyyətinə diqqətin cəlb olunması məqsədilə 2017-ci ildən etibarən keçirilir. Müsabiqənin önəmli tərəflərindən biri Azərbaycan musiqisinin çoxsaylı əcnəbi musiqiçilər tərəfindən ifa edilməsidir.

Layihənin rəhbəri Pərvin Muradov Azərbaycanın xalq artistləri – bəstəkar Cövdət Hacıyevin və milli rəqslərin görkəmli ifaçısı Əminə Dilbazinin övladıdır.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/florida-keys-musabiqesinin-nyu-yorkdaki-qala-konserti-heyder-eliyevin-100-illik-yubileyine-hesr-edilib-2579