icmaları – Rusya Gazetesi

Türkiyənin Xaricdəki Türklər və Əqrəba İcmaları İdarəsi Haaqadakı diasporumuza təşəkkür edib

Abdullah Yiğit — Sat, 29 Jul 2023 08:24:49 +0000

Türkiyənin Xaricdəki Türklər və Əqrəba İcmaları İdarəsi Haaqadakı diasporumuza təşəkkür edib

, 2023

Türkiyənin Xaricdəki Türklər və Əqrəba İcmaları İdarəsi Haaqadakı diasporumuza təşəkkür edib
Niderland Krallığının Haaqa şəhərində fəaliyyət göstərən Hollanda Azərbaycan-Türk Kültür Dərnəyi qardaş ölkənin zəlzələ bölgəsinə göstərdiyi dəstəyə görə Türkiyə Cümhuriyyəti Mədəniyyət və Turizm Nazirliyi Xaricdəki Türklər və Əqrəba İcmaları İdarəsindən təşəkkür məktubu alıb.

Xaricdəki Türklər və Əqrəba İcmaları İdarəsinin sədri Adullah Erenin adından dərnəyin rəhbərliyinə və könüllülərinə ünvanlanan məktubda deyilir:

“Dəyərli Hollanda Azərbaycan Türk Kültür Dərnəyinin rəhbərliyi və könüllüləri,

Xaricdə yaşayan vətəndaşlarımız 6 fevral 2023-cü il tarixində Türkiyədə yaşanan və 11 şəhərimizə təsir edən zəlzələ fəlakətinin ardından bütün imkanlarını səfərbər etmiş, ölkəmizdən kilometrlərlə uzaqda yaşasalar da, qəlblərinin hər zaman vətənləri ilı birlikdə döyündüyünü bir daha göstərmişlər.

Hollanda Azərbaycan Türk Kültür Dərnəyi olaraq ölkəmizin bu çətin zamanlarında göstərmiş olduğunuz həmrəylik və zəlzələnin yaralarının sarılması üçün nümayiş etdirdiyiniz dəstəklərdən dolayı rəhbərliyinizə və könüllülərinizə təşəkkür edir, sevgilərimi bildirirəm”.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/turkiyenin-xaricdeki-turkler-ve-eqreba-icmalari-idaresi-haaqadaki-diasporumuza-tesekkur-edib-3280

Meyn ştatında yəhudi və müsəlman icmaları bir araya gəlib

Abdullah Yiğit — Wed, 19 Apr 2023 07:09:59 +0000

Meyn ştatında yəhudi və müsəlman icmaları bir araya gəlib
2023
Meyn ştatında yəhudi və müsəlman icmaları bir araya gəlib

ABŞ-ın Meyn ştatının Portlend şəhərində yaşayan Azərbaycan icması müsəlman və yəhudi cəmiyyətlərinin Ramazan ayı və Şabbat günü münasibətilə təşkil etdikləri tədbirdə fəal iştirak edib.

Meyn Azərbaycanlıları Cəmiyyətinin rəhbəri Tərlan Əhmədov bildirib ki, tədbirdə ştatın qubernatoru Canet Mills, Baş prokuroru Aaron Frey, dövlət katibi Şenna Bellouz, Nümayəndələr Palatasının nümayəndələri, Portlend, Banqor və Biddeford şəhərlərinin şura üzvləri (City Concilman/woman), müxtəlif etnik azlıqları və dini konfessiyaları təmsil edən 150-dək qonaq iştirak edib.

Onun sözlərinə görə, Meyn ştatının tarixində ilk dəfə baş tutan əlamətdar hadisə zamanı Ramazan və Şabbat barədə məlumat verilib, qonaqlar birlikdə dualar edib, şamlar yandırıb, günəş batandan sonra iftar açıblar və ənənəvi musiqini dinləyiblər. “Dinlərarası dialoqun və mədəniyyətlərin oxşarlığı tematikasına həsr olunmuş bu tədbiri dəstəkləməklə Meyn Azərbaycanlıları Cəmiyyəti millətimizə xas olan müxtəlifliyin qorunması, daxiletmə və inklusiv cəmıyyətlərin ınkışafında müstəsna rol oynamağa calışır”, – deyə Tərlan Əhmədov əlavə edib.

Tədbir iştirakçıları azərbaycanlı iş adamı Hidayət Abbaszadənin təşkil etdiyi Azərbaycan guşəsində nümayiş etdirilən milli mətbəx nümunələrimizi və məhsullarımızı yüksək qiymətləndiriblər. Azərbaycanın tarixi, zəngin mədəniyyəti və multikultural dəyərləri haqqında qonaqlara məlumat verilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:http://diaspor.gov.az/az/news-detail/meyn-statinda-yehudi-ve-muselman-icmalari-bir-araya-gelib-2795

Yuta ştatındakı Azərbaycan və türk icmaları bir araya gəlib

Abdullah Yiğit — Wed, 25 Jan 2023 18:24:03 +0000

Yuta ştatındakı Azərbaycan və türk icmaları bir araya gəlib

, 2023

Yuta ştatındakı Azərbaycan və türk icmaları bir araya gəlib

ABŞ-ın Yuta ştatının Solt-Leyk-Siti şəhərində fəaliyyət göstərən Azərbaycan və türk icmalarının üzvlərinin ölkəmizin ABŞ-dakı səfiri Xəzər İbrahimlə görüşü baş tutub.

Tədbir Yuta Azərbaycan Dostluq Təşkilatının sədri Əsmər Qarayevanın təşkilatçılığı ilə Dünya Ticarət Mərkəzində baş tutub.

Görüş 20 Yanvar faciəsinin 33-cü ildönümü ərəfəsində keçirildiyi üçün öncə ölkəmizin müstəqilliyi və ərazi bütövlüyünün bərpa olunması uğrunda canlarından keçmiş 20 Yanvar və Qarabağ şəhidlərinin xatirəsi ehtiramla yad edilib.

Sonra səfir icma fəalları ilə tanış olub, Yuta ştatı ilə Azərbaycan arasında dostluq və əməkdaşlıq əlaqələrinin möhkəmləndirilməsi istiqamətində görüləcək işlərlə bağlı soydaşlarımızın fikirlərini dinləyib.

Tədbirdə Yuta Azərbaycan Dostluq Təşkilatının üzvləri Əsmər Qarayeva, İlqar Qasımov, Faiq Səfərli, Yuta Universitetinin professoru Hakan Yavuz və Yuta Türk Amerika Assosiasiyasının rəhbəri Pınar Bayram Toydemir çıxış ediblər.

Müzakirələr zamanı Yuta Azərbaycan Dostluq Təşkilatının son birillik fəaliyyətinə həsr olunmuş hesabat xarakterli videoçarx təqdim edilib. Yuta Azərbaycan Dostluq Təşkilatının və Yuta Türk Amerika Assosiasiyasının birgə əməkdaşlıq perspektivləri barədə fikir mübadiləsi aparılıb.

Tədbir çərçivəsində təşkil edilən anım guşəsində 20 Yanvar faciəsindən bəhs edən kitablar və bukletlər nümayiş etdirilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/yuta-statindaki-azerbaycan-ve-turk-icmalari-bir-araya-gelib-2223