inkişaf – Rusya Gazetesi https://rusyagazetesi.com Mon, 18 Mar 2024 07:41:44 +0000 tr hourly 1 https://rusyagazetesi.com/wp-content/uploads/2025/03/cropped-Rusya-gazetesi-32x32.webp inkişaf – Rusya Gazetesi https://rusyagazetesi.com 32 32 Nazir Ceyhun Bayramovun BMT İnkişaf Proqramının administratoru Axim Ştayner ilə görüşünə dair mətbuat məlumatı https://rusyagazetesi.com/nazir-ceyhun-bayramovun-bmt-inkisaf-proqraminin-administratoru-axim-stayner-il%c9%99-gorusun%c9%99-dair-m%c9%99tbuat-m%c9%99lumati-h55387.html Mon, 18 Mar 2024 07:41:44 +0000 https://1453kralmedya.com/nazir-ceyhun-bayramovun-bmt-inkisaf-proqraminin-administratoru-axim-stayner-il%c9%99-gorusun%c9%99-dair-m%c9%99tbuat-m%c9%99lumati-h55387.html

No:123/24, Nazir Ceyhun Bayramovun BMT İnkişaf Proqramının administratoru Axim Ştayner ilə görüşünə dair mətbuat məlumatı

 

 

 

 

15 mart 2024-cü il tarixində Azərbaycan Respublikasının xarici işlər naziri Ceyhun Bayramov XI Qlobal Bakı Forumunda iştirak məqsədilə ölkəmizdə səfərdə olan BMT İnkişaf Proqramının administratoru Axim Ştayner ilə görüşüb.

 

Görüşdə BMT İnkişaf Proqramı çərçivəsində əməkdaşlıq gündəliyi, mövcud perspektivlər, BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasından (COP29) irəli gələn məsələlər, habelə postmünaqişə dövründə regional vəziyyət müzakirə olunub.

 

Nazir Ceyhun Bayramov BMT İnkişaf Proqramı ilə Azərbaycan arasında uzunmüddətli əməkdaşlığın müsbət nəticələrindən bəhs edərək, mövcud tərəfdaşlığın davam etdirilməsinin əhəmiyyətini qeyd edib.

 

COP29 ilə bağlı hazırlıq işlərindən bəhs edən nazir Ceyhun Bayramov ölkəmizin COP29 sədrliyinin müvəffəqiyyətlə həyata keçirilməsi istiqamətində müxtəlif tərəflərlə substantiv danışıqlar prosesini apardığı, eyni zamanda zəruri təşkilati tədbirlərin görüldüyünü diqqətə çatdırıb.

 

Postmünaqişə dövründə ölkəmiz tərəfindən görülən bərpa-quruculuq, habelə sülh səylərindən bəhs edən nazir Ceyhun Bayramov, Ermənistan tərəfindən ərazilərimizin kütləvi şəkildə minalanmasının, həmçinin bu ölkənin minalanmış ərazilər barədə məlumatları təqdim etməkdən imtina etməsinin vətəndaşlarımızın həyat və sağlamlığına, habelə aparılan bərpa işlərinə təhdid törətdiyini diqqətə çatdırıb. Minaların təmizlənməsi işində beynəlxalq səylərin səfərbər olunmasının zəruriliyi vurğulanıb.

 

Axim Ştayner Azərbaycanın inkişaf sahəsində əldə etdiyi nailiyyətlərin nümunəvi olduğunu qeyd edib. BMT İnkişaf Proqramı tərəfindən mina təhlükəsinə qarşı mübarizəyə, o cümlədən bu istiqamətdə təşəbbüslərin müzakirəsinə əhəmiyyət verildiyi bildirilib.

 

Daha çox karbohidrogen resursları ilə zəngin ölkə kimi tanınan Azərbaycan tərəfindən COP29 -un sədri qismində nümayiş olunan mövqe və yanaşmanın təqdirəlayiq olduğu bildirilib, bu istiqamətdə uğurlu sədrlik fəaliyyəti arzu edilib.

 

Görüş zamanı həmçinin qarşılıqlı maraq doğuran digər məsələlər müzakirə olunub.

 

Paylaş

BÜTÜN XƏBƏRLƏR

kaynak:https://mfa.gov.az/az/news/no12324

 

 

 

 

 

]]> Pekində keçirilən Ümumdünya Gənclərinin İnkişaf Forumunda Azərbaycan təmsil olunub https://rusyagazetesi.com/pekind%c9%99-keciril%c9%99n-umumdunya-g%c9%99ncl%c9%99rinin-inkisaf-forumunda-az%c9%99rbaycan-t%c9%99msil-olunub-h51055.html Wed, 01 Nov 2023 15:45:30 +0000 https://1453kralmedya.com/pekind%c9%99-keciril%c9%99n-umumdunya-g%c9%99ncl%c9%99rinin-inkisaf-forumunda-az%c9%99rbaycan-t%c9%99msil-olunub-h51055.html

 

 

Pekində keçirilən Ümumdünya Gənclərinin İnkişaf Forumunda Azərbaycan təmsil olunub

, 2023

 

 

 

Pekində keçirilən Ümumdünya Gənclərinin İnkişaf Forumunda Azərbaycan təmsil olunub

Pekin şəhərində keçirilən Ümumdünya Gənclərinin İnkişaf Forumunda “Böyük İpək Yolu” Beynəlxalq Gənclər İttifaqının sədri Aytən Əliyeva iştirak edir.

 

 

Əsas məqsədi BMT-nin Dayanıqlı İnkişaf Məqsədlərinin həyata keçirilməsində gənclərin rolunu təşviq etmək olan forumun açılış mərasimində Çinin Beynəlxalq Əməkdaşlığın İnkişafı Agentliyinin, BMT, UNESCO, UNİCEF və digər beynəlxalq təşkilatların müvafiq qurumlarını təmsil edən rəsmi şəxslər çıxış ediblər. Onlar gənclərin beynəlxalq problemlərin həllində roluna diqqəti cəlb ediblər.

 

 

 

 

Mərasimdən sonra “Qlobal Gənclərin İnkişaf Fəaliyyətləri” adlı proqramın Tanzaniya, Çin, Bosniya və Hersoqovina, Honq Konq, Sinqapur üzrə qalib layihələrinin təqdimatı olub.

Daha sonra gənclərlə iş sahəsində yerli, regional və beynəlxalq problem və layihələrin müzakirə edildiyi panel keçirilib. Paneldə ölkəmizi təmsil edən A.Əliyeva “Bir Kəmər, Bir Yol” təşəbbüsünün İpək Yolu üzərində yerləşən ölkələrin gəncləri və gənclər təşkilatları üçün əməkdaşlıq imkanları, gənclərin beynəlxalq əməkdaşlıq və ideya mübadiləsində rolu, innovasiyaya əsaslanan inkişafın yolları və Azərbaycanın Yeni İpək Yolundakı strateji əhəmiyyəti barədə danışıb.

 

 

 

Yekunda Gənclərin Birgə Fəaliyyəti üzrə Pekin Bəyənnaməsi qəbul olunub, Ümumdünya Gənclərin İnkişaf Fondunun əsasının qoyulması və təşkilatın İdarə Heyəti (İdarə Komitəsi) elan olunub. Təşkilatın İdarə heyətinin üzvlərindən biri də A.Əliyeva seçilib.

Forum öz işini 31 oktyabr – 1 noyabr 2023-cu il tarixlərində Gəncyönümlü şəhər inkişafı, Rəqəmsal İnkişaf, Mədəni İnnovasiyalar və İqlim dəyişikliyi və Qida böhranı mövzuları üzrə tematik sessiyalarda davam etdirəcək.

 

 

 

 

Forum çərçivəsində “Böyük İpək Yolu” Beynəlxalq Gənclər İttifaqının sədri “China Daily” və “Xinhua” xəbər agentliklərinə müsahibə verərək, Azərbaycanda gənclər siyasəti və Çin-Azərbaycan arasında təhsil sahəsindəki əməkdaşlığın önəmi və sair məsələlər barədə danışıb.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/pekinde-kecirilen-umumdunya-genclerinin-inkisaf-forumunda-azerbaycan-temsil-olunub-3740

 

 

 

 

]]> Millət vəkili Məşhur Məmmədov, “İnkişaf yolunda..”, ÖZEL https://rusyagazetesi.com/mill%c9%99t-v%c9%99kili-m%c9%99shur-m%c9%99mm%c9%99dov-inkisaf-yolunda-ozel-h50518.html Mon, 16 Oct 2023 18:37:27 +0000 https://1453kralmedya.com/mill%c9%99t-v%c9%99kili-m%c9%99shur-m%c9%99mm%c9%99dov-inkisaf-yolunda-ozel-h50518.html

Millət vəkili Məşhur Məmmədov,
“İnkişaf yolunda..”, ÖZEL

Millet vekili Meşhur Memmedov,

“Böyük siyasət aparmaq üçün bilik, təcrübə lazımdır. Gərək dünya siyasətini dərk etməyi, təhlil etməyi, ondan nəticə çıxarmağı bacarasan.” Ümummilli lider Heydər Əliyev bu sözləri Zuğulbadakı Pansionatda müvəqqəti məskunlaşan qaçqınlarla görüşdə çıxışı zamanı -21 may 1994-cü ildə demişdir. Zaman keçdikcə Ulu Öndərin çıxışlarının hər kəlməsini analiz etdikcə, onun öncəgörücülüyünə, gələcək üçün dəqiq proqnozvermə qabiliyyətinə valeh olmamaq mümkün deyil.

Zaman keçir, Ulu Öndərin 30 il öncə dediyi sözlər bu gün onun layiqli davamçısı Prezident İlham Əliyevin rəhbərliyi ilə həyata keçir. Son illərdə cənab İlham Əliyev sözün həqiqi mənasında dünyanın güc dövlətləri ilə böyük siyasət aparır. Peşəkar idarəçilik qabiliyyəti, diplomatik təcrübəsi, arxasında dayanan güclü ordusu və ətrafında birləşən xalqı ilə bütün dünyanın supergüclərinə qarşı arqumentlərlə gələn ölkə başçısı prezident seçilməsinin 20 illiyinin hesabatını xalqa Milli Qürur Günü kimi yaşatdı, növbəti dəfə adını tarixə qızıl hərflərlə yazdı. Azərbaycan Respublikasının Prezidenti İlham Əliyev oktyabrın 15-də Xankəndi şəhərində Azərbaycan Respublikasının Dövlət Bayrağını ucaltdı.

 

Azərbaycan xalqı Ulu öndər Heydər Əliyevin davamçısına 20 il bundan əvvəl böyük etimad göstərdi. Gedişat sübut edir ki, ötən illər ərzində ölkə başçısı İlham Əliyevə olan etimad daha da artıb. İkinci Qarabağ müharibəsi dayananda Azərbaycan xalqı bilirdi ki, Şuşa kimi Xankəndində də bayrağımızın dalğalanmasına çox az qalıb. Şükürlər olsun, üç il keçməmiş biz Xankəndidəyik. Cənab Prezidentin Azərbaycan Gerbi, Azərbaycan Bayrağı altında etdiyi çıxışlar xalq olaraq ürəyimizi qürur hissi ilə doldurub. Bu, böyük xoşbəxtlikdir və tarixi hadisədir.  Xankəndi qələbəsi əbədi bizimlə olacaq.  Bizdən sonra gələn nəsillər bu Qələbə ilə əbədi və haqlı olaraq fəxr edəcəklər.

Bu il “Heydər Əliyev İli”dir. Biz Heydər Əliyevin 100 illiyini onun siyasətinə, onun tarixi irsinə hörmət göstərərək, onun siyasətini davam etdirərək qeyd edirik. Bu gün Ulu Öndərin, bizim bu günü görməyən bütün həyatdan gedənlərin ruhları şaddır. Onların ruhlarını şad edən biz olmuşuq, Azərbaycan xalqı olub, onların davamçıları olub.

 

Ulu Öndərin 100 illiyini qeyd etdiyimiz vaxtda cənab İlham Əliyevin Xankəndidə olması böyük rəmzi məna daşıyır. Prezident İlham Əliyev Xankəndi şəhərindən xalqa müraciəti zamanı qeyd etdiyi kimi, Azərbaycan torpağında heç bir tarixi, coğrafi və siyasi əsası olmayan Dağlıq Qarabağ Muxtar Vilayəti də 100 il bundan əvvəl – 1923-cü ildə yaradılmışdır. Bu, 100 ilin tarixidir. Görün, bu 100 il ərzində xalqımız nə qədər əzab çəkib, tarix bizi nə qədər sınağa çəkib. Əyilmədik, sınmadıq, o boyda böyük faciə ilə təkbaşına üz-üzə qalmışdıq, heç kim bizim yanımızda durmadı. Torpaqlarımız işğal altına düşəndə heç bir ölkə arxamızda dayanmadı, heç mənəvi dəstək də göstərmədilər. Bütün əsas güclər Ermənistanın arxasında idi və bugünkü tarix onu bir daha göstərir. Baxın görün, bu gün Azərbaycana ən çox düşmənçilik edən hansı ölkələrdir. Həmin ölkələr ki, o vaxt -1992-1993-cü illərdə Ermənistanın yanında idi, onları işğala təhrik edirdi, işğalı dəstəkləyirdi və onlara bəraət qazandırırdı. Heç nə dəyişməyib bu 30 il ərzində. Xalqımız böyük faciələrlə üz-üzə qalmışdı, 1 milyon insan evsiz-eşiksiz qalmışdır, torpaqlarımız tamamilə dağıdılmışdır. Bu gün azad edilmiş torpaqlara gələn hər bir insan öz gözləri ilə erməni vəhşiliyini görür. Bir dənə salamat bina qalmayıb. Bizə qarşı etnik təmizləmə aparılıb. Bizə qarşı soyqırımı törədilib, Xocalı soyqırımı. Ondan çox ölkə Xocalı soyqırımını tanıyıb, “Xocalıya ədalət!” hərəkatı geniş beynəlxalq vüsət alıb. Bax, o çətin dövrdən bu günə qədər keçdiyimiz yol şərəf və ləyaqət yoludur. Biz toparlandıq, güc yığdıq.

Nə yaxşı ki, Azərbaycan xalqı 1993-cü ildə öz müdrikliyini bir daha göstərdi, Ulu Öndər Heydər Əliyevə dəstək verdi, onu prezident vəzifəsinə seçdi. O vaxtdan bu günə qədər ölkə inkişaf yolu ilə gedir. Son 20 il ərzində isə bu inkişaf daha da sürətlidir və bütün sahələrdə özünü göstərir.”

 

Ülker Piriyeva/ Azerbaycan

]]> Xarici işlər naziri Ceyhun Bayramovun Xorvatiyanın iqtisadiyyat və dayanıqlı inkişaf naziri Davor Filipoviç ilə görüşünə dair mətbuat məlumatı https://rusyagazetesi.com/xarici-isl%c9%99r-naziri-ceyhun-bayramovun-xorvatiyanin-iqtisadiyyat-v%c9%99-dayaniqli-inkisaf-naziri-davor-filipovic-il%c9%99-gorusun%c9%99-dair-m%c9%99tbuat-m%c9%99lumati-h49475.html Mon, 11 Sep 2023 06:24:41 +0000 https://1453kralmedya.com/xarici-isl%c9%99r-naziri-ceyhun-bayramovun-xorvatiyanin-iqtisadiyyat-v%c9%99-dayaniqli-inkisaf-naziri-davor-filipovic-il%c9%99-gorusun%c9%99-dair-m%c9%99tbuat-m%c9%99lumati-h49475.html

 

 

 

 

No:467/23, Xarici işlər naziri Ceyhun Bayramovun Xorvatiyanın iqtisadiyyat və dayanıqlı inkişaf naziri Davor Filipoviç ilə görüşünə dair mətbuat məlumatı

 

 

Azərbaycan Respublikasının xarici işlər naziri Ceyhun Bayramov Xorvatiya Respublikasına rəsmi səfəri çərçivəsində Xorvatiyanın iqtisadiyyat və dayanıqlı inkişaf naziri Davor Filipoviç ilə görüşüb.

 

 

 

Görüşdə tərəflər iki ölkə arasında iqtisadi-ticarət əlaqələri, elecə də enerji, informasiya texnologiyaları, turizm, əczaçılıq, minatəmizləmə və digər sahələr üzrə əməkdaşlıq imkanları ətrafında fikir mübadiləsi aparıblar.

 

Ötən il ölkələrimiz arasında ticarət dövriyyəsinin 1 milyard ABŞ dollarına çatdığı məmnunluqla vurğulanaraq qeyd olunan sahələr üzrə ikitərəfli və çoxtərəfli əməkdaşlığın şaxələndirilməsi və gücləndirilməsi üçün geniş perspektivlərin olduğu, bu istiqamətdə iki ölkə arasında təmasların artırılmasının vacibliyi diqqətə çatdırılıb.

 

 

 

İqtisadi Əməkdaşlığın Təşviqi üzrə Birgə Hökumətlərarası Komissiyanın növbəti iclasının keçirilməsinin, o cümlədən hər iki ölkədə qarşılıqlı investisiya imkanlarının öyrənilməsi və inkişaf etdirilməsi, perspektiv əməkdaşlıq sahələrinin müəyyənləşdirilməsi, iki ölkənin işgüzar dairələri arasında əlaqələrin genişlənməsi məqsədilə müvafiq nazirliklərin nümayəndələrinin işgüzar səfərlərinin təşkilinin əhəmiyyətini vurğulanıb. Xorvat iş adamları ölkəmizdə yaradılmış əlverişli biznes və investisiya mühitindən yararlanmağa, Azərbaycandan olan həmkarları ilə fəal əməkdaşlığa dəvət olunub, Ələt Azad İqtisadi Zonanın bu istiqamətdə əhəmiyyəti diqqətə çatdırılıb.

 

 

 

Nazir Ceyhun Bayramov Azərbaycanın Orta Dəhlizin potensialının genişləndirilməsi istiqamətində irəli sürdüyü təşəbbüslər barədə qarşı tərəfi məlumatlandıraraq Xorvatiyanın tranzit operatorları və logistika şirkətləri üçün Orta Dəhlizin təqdim etdiyi fürsətlərdən yararlanmaq üçün çoxsaylı əlverişli imkanlardan bəhs edib.

 

 

 

Görüşdə tərəflər, həmçinin post-münaqişə dövründə xorvat şirkətlərinin işğaldan azad edilmiş ərazilərimizin bərpası istiqamətində reallaşdırılan layihələr üzrə əməkdaşlıq istiqamətləri, habelə qarşılıqlı maraq doğuran digər məsələlər ətrafında müzakirələr aparıblar.

 

Paylaş
BÜTÜN XƏBƏRLƏR

kaynak:https://mfa.gov.az/az/news/no46723

 

 

]]> Azərbaycan Millət vəkili Məşhur Məmmədov, “ İnkişaf strategiyasının banisi..”, ÖZEL https://rusyagazetesi.com/az%c9%99rbaycan-mill%c9%99t-v%c9%99kili-m%c9%99shur-m%c9%99mm%c9%99dov-inkisaf-strategiyasinin-banisi-ozel-h46674.html Tue, 20 Jun 2023 14:49:03 +0000 https://1453kralmedya.com/az%c9%99rbaycan-mill%c9%99t-v%c9%99kili-m%c9%99shur-m%c9%99mm%c9%99dov-inkisaf-strategiyasinin-banisi-ozel-h46674.html

Azərbaycan Millət vəkili Məşhur Məmmədov, “
İnkişaf strategiyasının banisi..”, ÖZEL

 

Millət vəkili Məşhur Məmmədov,

Ulu Öndər Heydər Əliyevin 24 iyun 1993-cü ildə Prezident səlahiyyətlərinin icra etməyə başlamasından 30 il keçir. O dövrü yada salaq: Dövlət idarəetməsində heç bir təcrübəsi olmayan şəxslərin vəzifəyə gətirilməsi suverenliyimizə təhdid yaratmışdı. Parlamentin 24 iyun 1993-cü il tarixli iclasında Prezident səlahiyyətlərinin Ali Sovetin sədri Heydər Əliyevə verilməsi barədə qərar qəbul etdi. Ulu Öndər Heydər Əliyevin 1993-cü il iyunun 15-dən oktyabrın 3-dək Ali Sovetə rəhbərlik etdiyi dövrdə parlamentarizm ənənələri yeni nəfəs, yeni qüvvə aldı. Ulu Öndər bu qısa müddətdə parlamentin ruhunu kökündən dəyişdi. Milli Məclisə siyasi mədəniyyət gətirdi. Onun iclası aparmaq tərzi, fikirlərini dəqiq əsaslandırması, çıxışların məğzini tutmaq bacarığı, fikirləri ümumiləşdirmək qabiliyyəti özlüyündə parlamentin üzvləri üçün yeni bir örnək, əsl parlamentarizm məktəbi idi. Bütün həyatını xalqa sədaqətlə xidmətə həsr etmiş Ulu Öndər öz fəaliyyətində hər zaman xalqa arxalanmış, ən çətin anlarda ona müraciət etmişdir. Xalq da heç vaxt ondan öz dəstəyini əsirgəməmişdir. Ən ağır məqamlarda Azərbaycan xalqı əmin idi ki, Heydər Əliyev müstəqilliyi, dövlət maraqlarını, xalqın, dövlətin maraqlarını qoruyacaq və xalqın mənafeyi ilə bağlı ən düzgün qərar verəcək. Ulu Öndər Heydər Əliyevin adı tariximizə Vətənin və xalqın xilaskarı kimi yazılıb. Ulu Öndər Azərbaycanı məhv olmaqdan, parçalanmaqdan xilas etdi. Asayiş və qayda-qanun bərqərar edildi, soyğunçuluğa, vətəndaşların əmlakının qəsb olunmasına son qoyuldu. Nizami ordu yaradıldı, Qarabağ müharibəsində atəşkəs əldə edildi, münaqişəsinin dinc yolla nizama salınmasına dair danışıqlara başlandı. İdarəetmə sistemi formalaşdırıldı, insanlara öz dövlətinə inamı qaytarıldı. Neft müqavilələri imzalandı, Azərbaycanın iqtisadi dirçəlişinin əsası qoyuldu.
Ümummilli Lider Heydər Əliyevin Azərbaycan dövlətinin rəhbərliyinə qayıtması, onu məhv olmaqdan və dövlətçiliyin itirilməsindən xilas etməsi, güclü, dinamik inkişaf edən və milli varlığımızı yaşadan ölkəyə çevirməsi, təkcə bugünkü deyil, ümumən gələcək nəsillər, Azərbaycan amalını qəlbində yaşadan bütün insanlar üçün əhəmiyyətli dövlətçilik təcrübəsidir. 1993-2003-cü illərdə Azərbaycanın sürətli inkişafı bugünkü reallıqları da təmin etmişdir. Həmin illərdə ölkə daxilində başlanan islahatlar dövlətimiz üçün həlledici rol oynamış, görülmüş işlər sayəsində Azərbaycan inkişaf yoluna qədəm qoymuş və beynəlxalq aləmdə daxili siyasətlə bağlı olan bütün məsələlərdə öz prinsipial mövqeyini nümayiş etdirmişdir. Ulu Öndər fəaliyyət göstərdiyi bütün sahələrdə özünü lider kimi təsdiq etmişdir.

Ulu Öndərin ən böyük gücü dərin, həm də universal biliyində, qətiyyətində, işgüzarlığında, hökmündə, qeyri-adi yaddaşında, tükənməz səbrində, müsahibini təmkinlə dinləmək bacarığında, uzaqgörənliyində, qarşısına qoyduğu məsələni həyata keçirmək qabiliyyətində, müdrikliyində, siyasətçi keyfiyyətlərində, mahir diplomat olmasında, həmsöhbətinə təsir etmək gücünə malik olmasında idi. Xeyirxahlıq və alicənablıq, inam və etibar, təmkin və səmimiyyət, zəka, səbat, diqqət və başqa cəhətlər Heydər Əliyevin unikallığı idi. Heydər Əliyevin dərin məntiqli nitqi, natiqlik məharəti, söz seçmək bacarığı, auditoriya ilə ünsiyyət qurmaq səriştəsi onu dinləyənləri məftun edirdi. Onun nitqi dərin və konkret idi, müzakirə olunan məsələni yüksək səviyyədə ümumiləşdirmək bacarığına malik idi. Ulu Öndərin nitq və çıxışlarında artıq söz və ifadə, qeyri-dəqiq fakt və rəqəm olmur, fikirlərini son dərəcə cilalanmış şəkildə ifadə edirdi. O, məsələnin mahiyyətini açmağa, mövzunun milli mənafe, dövlətçilik mövqeyindən təhlil etməyə xidmət edən məsələni ustalıqla göstərməyi bacarırdı. İqtisadi müstəqilliyin təmin olunması strategiyasının memarı Ulu Öndərin fəaliyyətində iqtisadi islahatlar, bazar iqtisadiyyatının qurulması, iqtisadi inkişafın təmin edilməsi, Azərbaycanın dünya iqtisadiyyatına inteqrasiyası, özəlləşdirmə proqramının, aqrar islahatların həyata keçirilməsi prioritet sahələr olmuşdur. Heydər Əliyev öz neft strategiyasının əsas mənasını Azərbaycanın zəngin təbii sərvətlərindən xalqın rifahı naminə daha da səmərəli istifadə etməkdə görürdü. Azərbaycanın iqtisadi suverenliyini əks etdirən ilk beynəlxalq neft müqaviləsi ölkə iqtisadiyyatının dinamik inkişafının əsasını qoymuşdur və bu gün onun praktiki nəticələri göz qabağındadır. Ölkənin dayanıqlı inkişafının əsasını təşkil edən Bakı-Tbilisi-Ceyhan neft, Bakı-Tbilisi-Ərzurum qaz kəmərlərinin çəkilişi məhz bu böyük insanın iradəsi və qətiyyətli mövqeyinin, uzaqgörənliyinin nəticəsi kimi reallığa çevrildi.

Uzunmüddətli iqtisadi inkişaf strategiyası ölkənin regionlarının davamlı və tarazlı inkişafının təmin olunmasını, o cümlədən yerlərdə dayanıqlı inkişaf prinsiplərinə əsaslanan rəqabətqabiliyyətli iqtisadiyyat, yüksək standartlara cavab verən sosial rifah, təbii resursların səmərəli istifadəsini və ətraf mühitin etibarlı mühafizəsini təmin edən ekoloji təhlükəsizlik sisteminin formalaşdırılmasına imkan verən əlverişli mühit yaratmaq məqsədini daşıyır. Bu strategiyanın həyata keçirilməsində, o cümlədən ölkənin regionlarının sosial-iqtisadi inkişafının yeni keyfiyyət mərhələsinə yüksəlməsində regionların sosial-iqtisadi inkişafı ilə bağlı qəbul edilmiş dövlət proqramları böyük əhəmiyyət kəsb edir. 2004-cü ildən uğurla icra olunan bu proqramlar regionlarda şəhər, qəsəbə və kəndlərin simasını köklü şəkildə dəyişmiş, regionların potensialının artmasına, infrastruktur təminatının, kommunal xidmətlərin keyfiyyətinin, biznes və investisiya mühitinin yaxşılaşmasına və əhalinin rifahının yüksəlməsinə geniş imkanlar açmışdır. Məqaləmi Ulu öndər Heydər Əliyevin hər birimizin qəlbinə, tarixim vərəqlərinə qızıl hərflərlə yazılmış söləri ilə tamamlamaq istəyirəm: “Mənim fikrimcə, Azərbaycan Respublikası, bundan sonra onun başına nə gəlirsə-gəlsin, müstəqilliyini itirməyəcək, yenidən heç bir dövlətin tərkibinə daxil olmayacaq, heç bir başqa dövlətin əsarəti altına düşməyəcək”.

Ülker Piriyeva/ Azerbaycan

]]> Nazir Ceyhun Bayramovun Birləşmiş Millətlər Təşkilatının (BMT) Ən az inkişaf etmiş ölkələr üçün Texnologiya Bankının direktoru Taffere Tesfaçiu ilə görüşünə dair mətbuat məlumatı https://rusyagazetesi.com/nazir-ceyhun-bayramovun-birl%c9%99smis-mill%c9%99tl%c9%99r-t%c9%99skilatinin-bmt-%c9%99n-az-inkisaf-etmis-olk%c9%99l%c9%99r-ucun-texnologiya-bankinin-direktoru-taffere-tesfaciu-il%c9%99-gorusun-h41789.html Mon, 06 Mar 2023 20:48:51 +0000 https://1453kralmedya.com/nazir-ceyhun-bayramovun-birl%c9%99smis-mill%c9%99tl%c9%99r-t%c9%99skilatinin-bmt-%c9%99n-az-inkisaf-etmis-olk%c9%99l%c9%99r-ucun-texnologiya-bankinin-direktoru-taffere-tesfaciu-il%c9%99-gorusun-h41789.html

 

 

 

No:126/23, Nazir Ceyhun Bayramovun Birləşmiş Millətlər Təşkilatının (BMT) Ən az inkişaf etmiş ölkələr üçün Texnologiya Bankının direktoru Taffere Tesfaçiu ilə görüşünə dair mətbuat məlumatı

5 mart 2023-cü il tarixində Azərbaycan Respublikasının xarici işlər naziri Ceyhun Bayramov ölkəmizin donor tərəfdaş qismində təmsil olunduğu Ən az inkişaf etmiş ölkələr üzrə BMT-nin Beşinci Konfransı (LDC5) çərçivəsində BMT-nin ən az inkişaf etmiş ölkələr üçün Texnologiya Bankının direktoru Taffere Tesfaçiu ilə görüşüb.

 

Görüşdə ən az inkişaf etmiş ölkələrin müxtəlif sahələrdə inkişafında texnoloji yardımların rolu, o cümlədən bu istiqamətdə yardımların göstərilməsində əməkdaşlıq imkanları ətrafında fikir mübadiləsi aparılıb.

 

Nazir Ceyhun Bayramov, Azərbaycanın humanitar yardımların göstərilməsi, o cümlədən ən az inkişaf etmiş ölkələrin inkişafına yardım istiqamətində həyata keçirdiyi layihələr, təşəbbüslər barədə qarşı tərəfi məlumatlandırıb. Bu xüsusda, ən az inkişaf etmiş ölkələrdə insan kapitalının inkişafına hədəflənən inkişafa yardım layihələrinin prioritet əhəmiyyət kəsb etdiyi vurğulanıb.

 

Azərbaycan Respublikası Xarici İşlər Nazirliyinin nəzdində fəaliyyət göstərən Azərbaycan Respublikasının Beynəlxalq İnkişafa Yardım Agentliyinin (AİDA) müxtəlif, o cümlədən təhsil, səhiyyə, infrastruktur, idarəetmə sahələrində beynəlxalq yardım proqramlarını həyata keçirdiyini diqqətə çatdırıb.

 

Nazir Ceyhun Bayramov, həmçinin post-münaqişə dövründə regionda mövcud vəziyyət, Azərbaycanın işğaldan azad olunmuş ərazilərdə apardığı genişmiqyaslı bərpa və quruculuq işləri, o cümlədən sülh gündəliyinin irəli aparılması istiqamətində Azərbaycan tərəfindən göstərilən səylər və Ermənistan tərəfinin təxribatları barədə qarşı tərəfi ətraflı məlumatlandırıb.

 

Direktor Taffere Tesfaçu, BMT-nin Ən az inkişaf etmiş ölkələr üçün Texnologiya Bankının fəaliyyəti və prioritetləri barədə məlumat verərək, Bankın əsas məqsədinin dünyanın az inkişaf etmiş ölkələrinə texnoloji yardımların edilməsi ilə onların iqtisadi, sosial inkişafına dəstək göstərmək olduğunu bildirib. Azərbaycanın bu istiqamətdə beynəlxalq yardım siyasətinin təqdirəlayiq olduğunu bildirən Taffere Tesfaçu, bu xüsusda qlobal səylərin gücləndirilməsinin vacibliyini vurğulayıb.

 

Görüşdə, həmçinin qarşılıqlı maraq doğuran digər məsələlər ətrafında fikir mübadiləsi aparılıb.

 

Paylaş

BÜTÜN XƏBƏRLƏR

 

kaynak:https://mfa.gov.az/az/news/no12623

 

 

]]>