Diaspor gənclərinin azərbaycanlı jurnalistlərlə maraqlı debatı təşkil olunub

2023

Diaspor gənclərinin azərbaycanlı jurnalistlərlə maraqlı debatı təşkil olunub

Naxçıvanda keçirilən “Heydər Əliyev – 100” Diaspor Gənclərinin IV Yay Düşərgəsində təşkil edilən növbəti panel media mövzusuna həsr olunub.

Diasporla İş üzrə Dövlət Komitəsinin Təbliğat, informasiya və analitik təhlil şöbəsinin müdiri Vəsilə Zeynalovanın moderatorluğu ilə aparılan paneldə Mətbuat Şurasının sədri Rəşad Məcid, Bakı Dövlət Universitetinin Jurnalistika fakültəsinin dekanı Vüqar Zifəroğlu, “Qafqazinfo.az” saytının rəhbəri Elbruz Ərud, ADA Universitetinin müəllimi Şəfəq Mehrəliyeva, Mətbuat Şurasının üzvü Elşad Eyvazlı və “Global Media Group”un media direktoru Həmid Həmidov iştirak ediblər.

Panelistlərlə debat zamanı diaspor gənclərinin fəaliyyət istiqamətləri, xarici ölkələrdəki platformalara çıxış imkanları, Azərbaycanla bağlı həqiqətlərin çatdırılması, diaspor gənclərinin missiyası və sair mövzular ətrafında fikir mübadiləsi aparılıb. Fikir müxtəlifliyi ilə müşayiət olunan qızğın diskussiyanın gedişində “diaspor gənci xaricdə necə fəaliyyət göstərməlidir, Azərbaycana hansı faydaları verməlidir, yaşadığı ölkəyə necə inteqrasiya olunmalıdır, dilimizi, milli kimliyimizi, mədəniyyətimizi, adət-ənənələrimizi necə qoruyub saxlamalıdır” və başqa suallara aydınlıq gətirilib.

Bu debat İctimai TV ilə Diasporla İş üzrə Dövlət Komitəsinin ortaq layihəsi olan “Vətən uzaqda deyil” proqramında yayımlanacaq.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/diaspor-genclerinin-azerbaycanli-jurnalistlerle-maraqli-debati-teskil-olunub-3331

Şimali Kaliforniyadakı icmamız Azərbaycan mədəniyyətinin təbliği ilə bağlı maraqlı layihəyə başlayıb

, 2023
Şimali Kaliforniyadakı icmamız Azərbaycan mədəniyyətinin təbliği ilə bağlı maraqlı layihəyə başlayıb

ABŞ-ın Kaliforniya ştatının San-Xose şəhərində fəaliyyət göstərən Şimali Kaliforniya Azərbaycan Mədəniyyət Mərkəzi (ACSNC) məktəblərdə Azərbaycan mədəniyyətinin yüksək səviyyədə təqdimat mərasimlərinin keçirilməsi məqsədilə “Məktəb sərgisi” layihəsinə start verib.

ACSNC rəhbəri Aynur Ağayeva bildirib ki, hər il yaz aylarında Kaliforniyanın bir çox məktəblərində müxtəlif millətlərin mədəniyyətlərinin tanıdılması və təbliği ilə bağlı tədbirlər keçirilir. “Məktəb sərgisi” layihəsi çərçivəsində ACSNC Silikon Vadisində yaşayan azərbaycanlı ailələrlə tərəfdaşlıq edir. Məktəbli uşaqları olan ailələrə tədbirin keçirilmə qaydalarını əks etdirən plan, milli geyimlər, suvenirlər, kitablar, musiqi kliplərindən ibarət disklər təqdim edilir. Eyni zamanda Azərbaycan mədəniyyətinin yerli əhaliyə hansı şəkildə təqdim edilməsi ilə bağlı azərbaycanlı ailələrə tövsiyələr verilir.

Onun sözlərinə görə, ACSNC artıq bu il “Carlton Elementary School”, “Eaton Elementary School”, “San Miguel Elementary School” və digər yerli məktəblərdə təhsil alan azərbaycanlı məktəblilərin tədbirlərinə dəstək göstərib: “Bu proqram Amerika icmasına, əsasən də uşaqlara Azərbaycanı çox müsbət və yaddaqalan şəkildə tanıtdığı üçün xüsusilə uğurludur. Biz Azərbaycanı Şimali Kaliforniyada təmsil etməkdən və daha güclü mədəniyyət əlaqələri yaratmaqdan qürur duyuruq”.

Aynur Ağayeva maraqlı layihənin həyata keçirilməsi üçün ACSNC-ni milli uşaq geyimləri və suvenirləri ilə təmin edən Diasporla İş üzrə Dövlət Komitəsinə minnətdarlığını bildirib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/simali-kaliforniyadaki-icmamiz-azerbaycan-medeniyyetinin-tebligi-ile-bagli-maraqli-layiheye-baslayib-2928

maraqlı – Rusya Gazetesi

Diaspor gənclərinin azərbaycanlı jurnalistlərlə maraqlı debatı təşkil olunub

Şimali Kaliforniyadakı icmamız Azərbaycan mədəniyyətinin təbliği ilə bağlı maraqlı layihəyə başlayıb