paytaxtı – Rusya Gazetesi https://rusyagazetesi.com Wed, 21 Jun 2023 20:31:54 +0000 tr hourly 1 https://rusyagazetesi.com/wp-content/uploads/2025/03/cropped-Rusya-gazetesi-32x32.webp paytaxtı – Rusya Gazetesi https://rusyagazetesi.com 32 32 Budapeştdəki Azərbaycan Evində mətbəxlə bağlı uşaqlara ustad dərsi nümayiş etdirilib https://rusyagazetesi.com/budapestd%c9%99ki-az%c9%99rbaycan-evind%c9%99-m%c9%99tb%c9%99xl%c9%99-bagli-usaqlara-ustad-d%c9%99rsi-numayis-etdirilib-h46708.html Wed, 21 Jun 2023 20:31:54 +0000 https://1453kralmedya.com/budapestd%c9%99ki-az%c9%99rbaycan-evind%c9%99-m%c9%99tb%c9%99xl%c9%99-bagli-usaqlara-ustad-d%c9%99rsi-numayis-etdirilib-h46708.html

Budapeştdəki Azərbaycan Evində mətbəxlə bağlı uşaqlara ustad dərsi nümayiş etdirilib
21 iyun, 2023

 

 

 

Budapeştdəki Azərbaycan Evində mətbəxlə bağlı uşaqlara ustad dərsi nümayiş etdirilib

 

 

 

Macarıstanın paytaxtı Budapeştdə fəaliyyət göstərən Azərbaycan Evində uşaqlar üçün “Make & bake master class” layihəsinə start verilib.

 

 

 

 

Həftəsonu təşkil edilən tədbirdə kiçik yaşlı uşaqlar və valideynləri iştirak ediblər. Bu layihə övladlarımıza uşaq yaşlarından əməyə hörmət edilməsi və süfrə mədəniyyətinin aşılanması məqsədilə həyata keçirilir.

 

 

 

 

Ustad dərsini keçən müəllimlər uşaqlara undan müxtəlif formalı şirniyyatların hazırlanması prosesini nümayiş etdiriblər. Ustadların izah etdikləri qaydalar əsasında uşaqlar bu prosesə böyük həvəslə qatılıblar.

 

 

 

 

Dərsin sonunda uşaqlara sobadan çıxarılmış şirniyyatların süfrəyə təqdim olunması qaydaları da izah edilib. Uşaqlar valideynləri ilə birlikdə təamların dadına baxıblar.

 

 

 

 

 

Qeyd edək ki, Budapeşt Azərbaycan Evinin nəzdində Azərbaycan dili, musiqi, rəqs, rəsm, yoqa dərnəkləri də fəaliyyət göstərir.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/budapestdeki-azerbaycan-evinde-metbexle-bagli-usaqlara-ustad-dersi-numayis-etdirilib-3137

]]> Qahirədə Heydər Əliyevin 100 illiyi və 15 İyun – Milli Qurtuluş Günü qeyd edilib https://rusyagazetesi.com/qahir%c9%99d%c9%99-heyd%c9%99r-%c9%99liyevin-100-illiyi-v%c9%99-15-iyun-milli-qurtulus-gunu-qeyd-edilib-h46584.html Sat, 17 Jun 2023 19:45:18 +0000 https://1453kralmedya.com/qahir%c9%99d%c9%99-heyd%c9%99r-%c9%99liyevin-100-illiyi-v%c9%99-15-iyun-milli-qurtulus-gunu-qeyd-edilib-h46584.html

Qahirədə Heydər Əliyevin 100 illiyi və 15 İyun – Milli Qurtuluş Günü qeyd edilib

, 2023

 

 

 

 

 

 

Qahirədə Heydər Əliyevin 100 illiyi və 15 İyun – Milli Qurtuluş Günü qeyd edilib

 

 

 

 

Misirin paytaxtı Qahirə şəhərində fəaliyyət göstərən Misir-Azərbaycan Dostluq Cəmiyyətində müasir Azərbaycan dövlətinin qurucusu Heydər Əliyevin anadan olmasının 100 illiyinə və 15 İyun – Milli Qurtuluş Gününə həsr olunmuş tədbir keçirilib.

 

 

 

 

 

Tədbirdə Azərbaycanın Misirdəki səfirliyinin, Diasporla İş üzrə Dövlət Komitəsinin (DİDK), Misir parlamentinin, yerli ictimaiyyətin, Azərbaycan icmasının nümayəndələri, nüfuzlu elm xadimləri, jurnalistlər və Misir-Azərbaycan Dostluq Cəmiyyətinin nəzdində təhsil alan tələbələr iştirak ediblər.

Hər iki ölkənin Dövlət himnlərinin səsləndirilməsi ilə başlayan tədbiri giriş sözü ilə Ərəb Ölkələri üzrə Azərbaycanlıların Koordinasiya Şurasının Misirdəki koordinatoru, Misir-Azərbaycan Dostluq Cəmiyyətinin sədri, tədqiqatçı-alim Seymur Nəsirov açıb. Ölkəmizdə 30 il öncə baş verən hadisələrin canlı şahidi olduğunu vurğulayan cəmiyyət sədri xatırladıb ki, 15 iyun tarixi xalqın israrlı təkidi ilə Heydər Əliyevin Azərbaycan Ali Sovetinin sədri vəzifəsinə seçildiyi gündür və bu əlamətdar gün ölkəmizdə və dünyada geniş qeyd edilir. Bildirib ki, böyük risklərə baxmayaraq, xalqın qurtuluşu missiyasını cəsarətlə öz üzərinə götürən Heydər Əliyev dövlətimizin müstəqilliyinin qorunub saxlanılmasına, Azərbaycanın vətəndaş qarşıdurmasına və parçalanmasına sürüklənməsinin qarşısının alınmasına, dərin siyasi-ictimai böhrana son qoyulmasına nail olub. Bir müddət sonra xalqın iradəsi ilə Prezident seçilmiş Heydər Əliyevin hakimiyyəti dövründə Azərbaycanda böyük quruculuq mərhələsi başlanıb və həmin dövr ölkə tarixinə qızıl hərflərlə yazılıb.

 

 

 

 

Azərbaycanın Misirdəki fövqəladə və səlahiyyətli səfiri Elxan Poluxov çıxışında xatırladıb ki, bu il ulu öndər Heydər Əliyevin anadan olmasının 100-cü ildönümüdür və “Heydər Əliyev İli” çərçivəsində dünyanın müxtəlif ölkələrində tədbirlər keçirilir. Misir və Azərbaycan milli komandaları arasında kikboksinq üzrə yoldaşlıq görüşünün təşkil edilməsini də bu qəbildən olan tədbirlərdən biri olduğunu söyləyən diplomat Azərbaycanın xaosdan, vətəndaş müharibəsindən xilas olması naminə çox qətiyyətli addımlar atan Heydər Əliyevin həyat və siyasi fəaliyyəti haqqında müxtəlif dillərdə, o cümlədən ərəb dilində yüzlərlə kitabın nəşr olunduğunu bildirib. Dahi şəxsiyyətin ərəb və müsəlman ölkələri ilə münasibətlərin inkişafına xüsusi önəm verdiyi, Misirlə Azərbaycan arasında əlaqələrin yüksək səviyyədə inkişaf etməsinin əsasını qoyduğu, Afrika qitəsinə ilk rəsmi səfərini 1994-cü ildə məhz Misirdən başladığını diqqətə çatdırıb. Əlavə edib ki, misirli investorlara ölkəmizin bütün sahələrinə sərmayə qoymaq üçün yaxşı şərait yaradılıb.

 

 

 

 

Tədbir iştirakçılarını salamlayan DİDK-nın Aparat rəhbəri Daşqın Rəcəbli bayram münasibətilə soydaşlarımızı təbrik edib. Komitənin fəaliyyət istiqamətlərinə, xaricdə yaşayan soydaşlarımızın tarixi Vətənləri ilə bağlılıqlarının daha da möhkəmləndirilməsi istiqamətində həyata keçirilən layihələrə diqqəti cəlb edib. Müasir dövrümüzdə xalq diplomatiyasının əhəmiyyətindən danışarkən bu yolun həm də dillərin mənimsənilməsindən keçdiyini vurğulayan Aparat rəhbəri misirli tələbələrin Azərbaycan dilinə böyük rəğbət göstərməsini, universitetlərdə ana dilimizin tədris olunmasını tədirəlayiq hal adlandırıb və Misirdəki Azərbaycan diasporunun çoxşaxəli fəaliyyətini yüksək qiymətləndirib: “Azərbaycan dili dərsliyinin ərəblər üçün ilk dəfə Misir-Azərbaycan Dostluq Cəmiyyətinin misirli tələbəsi tərəfindən hazırlanması da qürurvericidir”.

 

 

 

Dünya azərbaycanlıları tərəfindən müxtəlif ölkələrdə Heydər Əliyevə həsr olunmuş tədbirlərin təşkil olunduğunu qeyd edən Aparat rəhbəri Misirdə də silsilə tədbirlərin davamı olaraq Misir-Azərbaycan Dostluq Cəmiyyəti tərəfindən müsabiqələrin keçiriləcəyini bildirib. Komitənin dəstəyi ilə 5 nəfər müsabiqə qalibinin Azərbaycana səfərinin təşkilinin nəzərdə tutulduğunu söyləyib.

 

 

 

 

Misirli millət vəkili Adil Amir dost olan xalqlarımız arasında bu əlaqələrin inkişafına Misir-Azərbaycan Dostluq Cəmiyyətinin böyük töhfələr verdiyini, ölkələrimiz arasında iqtisadi və ticari əməkdaşlıq əlaqələrin daha da gücləndirilməsinin önəmini vurğulayıb. Misirin Qalyubiyyə vilayətində Misir-Azərbaycan Dostluq Parkının salınmasını, bu parkda ümummilli liderin abidəsinin ucaldılmasını, əhalinin bu parkı mütəmadi olaraq ziyarət etməsini bu münasibətlərin bariz nümunəsi adlandırıb.

Seymur Nəsirov qeyd edib ki, yaxın gələcəkdə cəmiyyət nəzdində hər iki ölkənin iş adamlarına dəstək məqsədilə yeni bölüm açılacaq.

 

 

 

 

Sualların cavablandırılması ilə yekunlaşan tədbir ərəb mediasında geniş şəkildə işıqlandırılıb.

 

 

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/qahirede-heyder-eliyevin-100-illiyi-ve-15-iyun-milli-qurtulus-gunu-qeyd-edilib-3113

]]> Xocalı soyqırımı həqiqətlərini əks etdirən avtomobil Roma küçələrində hərəkət edib https://rusyagazetesi.com/xocali-soyqirimi-h%c9%99qiq%c9%99tl%c9%99rini-%c9%99ks-etdir%c9%99n-avtomobil-roma-kuc%c9%99l%c9%99rind%c9%99-h%c9%99r%c9%99k%c9%99t-edib-h41550.html Thu, 02 Mar 2023 14:10:05 +0000 https://1453kralmedya.com/xocali-soyqirimi-h%c9%99qiq%c9%99tl%c9%99rini-%c9%99ks-etdir%c9%99n-avtomobil-roma-kuc%c9%99l%c9%99rind%c9%99-h%c9%99r%c9%99k%c9%99t-edib-h41550.html

 

 

 

 

Xocalı soyqırımı həqiqətlərini əks etdirən avtomobil Roma küçələrində hərəkət edib
2 mart, 2023
Xocalı soyqırımı həqiqətlərini əks etdirən avtomobil Roma küçələrində hərəkət edib
İtaliyanın paytaxtı Romada Xocalı soyqırımının 31-ci ildönümü ilə əlaqədar məlumatlandırma aksiyası keçirilib.

İtaliya-Azərbaycan Birliyinin sədri Fərid Abbasovun təşəbbüsü ilə baş tutan aksiya “Xocalıya ədalət” beynəlxalq kampaniyası çərçivəsində gerçəkləşdirilib.

Aksiya zamanı üzərində “Xocalı üçün dua et!” çağırışının və Xocalı soyqırımı həqiqətlərinin əks olunduğu avtomobil İtaliya paytaxtının mərkəzi küçələri ilə hərəkət edib.

Aksiya romalıların və turistlərin diqqətini Xocalı soyqırımına cəlb etmək məqsədilə təşkil edilib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/xocali-soyqirimi-heqiqetlerini-eks-etdiren-avtomobil-roma-kucelerinde-hereket-edib-2507

 

 

 

]]> Vyana şəhərindəki məşhur Heldenplatz meydanında Xocalı soyqırımının 31-ci ildönümü ilə bağlı aksiya keçirilib https://rusyagazetesi.com/vyana-s%c9%99h%c9%99rind%c9%99ki-m%c9%99shur-heldenplatz-meydaninda-xocali-soyqiriminin-31-ci-ildonumu-il%c9%99-bagli-aksiya-kecirilib-h41368.html Mon, 27 Feb 2023 06:29:04 +0000 https://1453kralmedya.com/vyana-s%c9%99h%c9%99rind%c9%99ki-m%c9%99shur-heldenplatz-meydaninda-xocali-soyqiriminin-31-ci-ildonumu-il%c9%99-bagli-aksiya-kecirilib-h41368.html

 

 

 

Vyana şəhərindəki məşhur Heldenplatz meydanında Xocalı soyqırımının 31-ci ildönümü ilə bağlı aksiya keçirilib
26 fevral, 2023
Vyana şəhərindəki məşhur Heldenplatz meydanında Xocalı soyqırımının 31-ci ildönümü ilə bağlı aksiya keçirilib

Avstriyanın paytaxtı Vyana şəhərindəki məşhur Heldenplatz meydanında Xocalı soyqırımının 31-ci ildönümü ilə bağlı aksiya keçirilib.

Aksiyaya 31 ölkənin 74 şəhərindən gələn 1000 nəfərdən çox soydaşımız, icma üzvləri, diaspor təşkilatlarının təmsilçiləri və ölkəmizə dost münasibəti bəsləyən xalqların nümayəndələri qatılıblar.

Azərbaycanın Dövlət Himninin səsləndirilməsi ilə başlayan aksiyada vətənin ərazi bütövlüyü uğrunda canlarından keçən şəhidlərimizin və Xocalı soyqırımı qurbanlarının əziz xatirəsi bir dəqiqəlik sükutla yad edilib. Soydaşlarımız, eləcə də onlara dəstək verən əcnəbilər Azərbaycanın və yaşadıqları ölkələrin bayraqlarını dalğalandırıb, Xocalı soyqırımının tanıdılmasını, eləcə də dünyadan ədalət gözləntilərini əks etdirən şüarlar yazılmış plakatlar nümayiş etdiriblər.

İştirakçılar Xocalı soyqırımı ilə bağlı məlumatları, eyni zamanda Azərbaycan xalqının 31 ildir ədalət gözlədiyini ingilis, litov, serb, alman, italyan, fransız, yunan, polyak, ivrit, azərbaycan, gürcü, norveç, fin, ispan, türk dillərində diqqətə çatdırıb, bu dəhşətli hərbi cinayətə hüquqi-siyasi qiymətin verilməsini, günahkarların beynəlxalq ədalət məhkəməsi qarşısında cavab vermələrini tələb ediblər.

Heydər Əliyev Fondu tərəfindən hazırlanmış və Xocalı soyqırımına həsr edilmiş sənədli filmin nümayiş olunduğu aksiyada soyqırım qurbanları klassik musiqi nömrələrinin səsləndirilməsi ilə xatırlanıb, yerli ictimaiyyətin marağına səbəb olan fləşmoblar keçirilib.

Diaspor nümayəndələrinin “Xocalı 613” yazısının ətrafına şamlar düzməsi soyqırım həqiqətlərinin inikasına çevrilib, ətrafdakılara xüsusi təsir bağışlayıb və yerli ictimaiyyətin böyük marağına səbəb olub.

Aksiya çərçivəsində Heydər Əliyev Fondu tərəfindən hazırlanmış, Xocalı soyqırımı ilə bağlı məlumatları əks etdirən kitab, buklet, broşür və materiallar şəhər ictimaiyyətinə paylanılıb.

Sonda aksiyanın bəyanatı ingilis və alman dillərində təqdim olunub.

Qeyd edək ki, aksiya iştirakçıları mitinqin gedişində Türkiyədəki dağıdıcı təbii fəlakətdən zərərçəkənlərə dəstək olmaq məqsədilə maddi yardım toplayıblar. Maddi yardım aksiyanın Təşkilat Komitəsi tərəfindən AFAD-ın hesabına köçürülüb.

Xatırladaq ki, xaricdəki Azərbaycan icmaları və diaspor təşkilatlarının Xocalı soyqırımı ilə bağlı kütləvi dinc aksiyaları bir neçə ildir ənənəvi xarakter alıb və bu, nüfuzlu beynəlxalq təşkilatların geniş məlumatlandırılmasına, nəticədə informasiyalı xarici çevrənin əhatə dairəsinin genişlənməsinə birbaşa təsir edir. Azərbaycan diasporunun 2019-cu ildə Brüsseldə keçirdiyi I Ümumavropa Qarabağ mitinqi, 2020-ci ildə Berlində Brandenburq qapıları qarşısındakı Paris meydanında keçirdiyi II Ümumavropa Qarabağ mitinqi və 2022-ci ildə Vaşinqtonda Kapitoli binasının qarşısında təşkil edilən Ümumamerika Xocalı mitinqi beynəlxalq ictimaiyyətin soyqırımla bağlı məlumatlandırılmasında xüsusi rol oynayıb.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/vyana-seherindeki-meshur-heldenplatz-meydaninda-xocali-soyqiriminin-31-ci-ildonumu-ile-bagli-aksiya-kecirilib-2445

 

 

]]> Azərbaycan icması fəalları Madriddəki anım tədbirində iştirak ediblər https://rusyagazetesi.com/az%c9%99rbaycan-icmasi-f%c9%99allari-madridd%c9%99ki-anim-t%c9%99dbirind%c9%99-istirak-edibl%c9%99r-h39983.html Mon, 23 Jan 2023 20:36:09 +0000 https://1453kralmedya.com/az%c9%99rbaycan-icmasi-f%c9%99allari-madridd%c9%99ki-anim-t%c9%99dbirind%c9%99-istirak-edibl%c9%99r-h39983.html

 

 

 

 

Azərbaycan icması fəalları Madriddəki anım tədbirində iştirak ediblər
23 yanvar, 2023

Azərbaycan icması fəalları Madriddəki anım tədbirində iştirak ediblər

İspaniyanın paytaxtı Madriddə 20 Yanvar – Ümumxalq Hüzn Günü ilə əlaqədar anım mərasimi keçirilib.

Ölkəmizin İspaniyadakı səfirliyində təşkil olunan tədbirdə Madrid şəhərində işgüzar səfərdə olan Azərbaycan Dövlət Turizm Agentliyinin sədri Fuad Nağıyev, soydaşlarımız və ölkənin yerli media mənsubları iştirak ediblər.

Tədbiri giriş sözü ilə açan Azərbaycanın İspaniyadakı səfiri Ramiz Həsənov 1990-cı il yanvarın 19-dan 20-nə keçən müdhiş gecənin Azərbaycan tarixinə Qara Yanvar kimi daxil olub. Həmin gecə sovet ordusunun Azərbaycana qeyri-qanuni hərbi müdaxiləsi nəticəsində 147 mülki günahsız şəxs qətlə yetirilib, 744 nəfər ağır xəsarət aləb.

Nəzərə çatdırıb ki, faciədən bir gün sonra xalqımızın ümummilli lideri Heydər Əliyev bütün təhlükələrə baxmayaraq, Azərbaycanın Moskvadakı daimi nümayəndəliyinə gedərək, həmvətənlərimiz və mətbuat nümayəndələri qarşısında çıxış edib. Dahi şəxsiyyət ağır günlərdə xalqımızla həmrəy olduğunu bəyan edib, bu vəhşiliyi kəskin şəkildə pisləyib, Bakıda törədilmiş qırğına siyasi qiymət verilməsini və günahkarların cəzalandırılmasını tələb edib. Məhz onun təşəbbüsü ilə Milli Məclisin 1994-cü ilin fevralında keçirilən xüsusi sessiyasında 1990-cı il yanvarın 20-də günahsız insanların qəddarcasına qətlə yetirilməsi hərbi təcavüz və cinayət kimi qiymətləndirilib, 20 Yanvar tarixi Azərbaycanda Ümumxalq Hüzn Günü elan olunub.

“20 Yanvar faciəsi xalqımızın iradəsini sındıra, milli ruhumuzu sarsıda bilməyib. Prezident İlham Əliyevin də qeyd etdiyi kimi, 20 Yanvar tariximizin şərəf və qəhrəmanlıq səhifəsi, milli iradəmizin zəfər çaldığı gündür”, – deyə diplomat əlavə edib.

Sonra Azərbaycanın müstəqilliyi və ərazi bütövlüyü naminə canından keçmiş bütün şəhidlərin ruhu bir dəqiqəlik sükutla yad edilib və Ümumxalq Hüzn Gününə həsr olunmuş videoçarx göstərilib.

Tədbir çərçivəsində 20 Yanvar şəhidlərinin xatirəsinə həsr olunmuş fotosərgi təşkil edilib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/azerbaycan-icmasi-feallari-madriddeki-anim-tedbirinde-istirak-edibler-2209

 

]]> Kişinyovda Zəfər Günü bayram edilib https://rusyagazetesi.com/kisinyovda-z%c9%99f%c9%99r-gunu-bayram-edilib-h37296.html Tue, 15 Nov 2022 09:27:10 +0000 https://1453kralmedya.com/kisinyovda-z%c9%99f%c9%99r-gunu-bayram-edilib-h37296.html

 

 

 

Kişinyovda Zəfər Günü bayram edilib
, 2022

Kişinyovda Zəfər Günü bayram edilib

Moldovanın paytaxtı Kişinyovda Zəfər Gününə həsr olunmuş təntənəli bayram tədbiri keçirilib.

 

Moldova Azərbaycanlıları Konqresinin təşkilatçılığı ilə baş tutan tədbirdə Azərbaycanın, Moldovanın parlament üzvləri, ölkəmizin Moldovadakı səfirliyinin əməkdaşları, Azərbaycan diasporunun nümayəndələri iştirak ediblər.

 

Tədbir Konqresin nəzdindəki həftəsonu Azərbaycan məktəbi şagirdlərinin ifasında Azərbaycanın Dövlət Himninin səsləndirilməsi ilə başlayıb.

 

Tədbiri giriş sözü ilə açan Moldova Azərbaycanlıları Konqresinin sədri Elçin Bayramov bildirib ki, iki il öncə hər bir azərbaycanlı böyük həyəcanla cəbhə xəttindən gələn xəbərləri gözləyirdi. “İşğaldan azad edilən hər bir qəsəbəyə sevinir, hər itkinin acısını yaşayırdıq. Ordumuz addım-addım ən xoşbəxt və ən çox gözlənilən günə – Zəfər Gününə yaxınlaşırdı!”, – deyə vurğulayıb.

 

Milli Məclis sədrinin birinci müavini Əli Hüseynli, Moldova parlamentinin deputatı, Moldova-Azərbaycan parlamentlərarası dostluq qrupunun həmsədri Vitali Jako, Azərbaycanın Moldovadakı fövqəladə və səlahiyyətli səfiri Qüdsi Osmanov, Yeni Azərbaycan Partiyasının Gənclər Birliyinin sədri Bəxtiyar İslamov, Azərbaycan icmasının üzvləri Seyid Yasin və Allahverdi Xələfov möhtəşəm bayram münasibətilə soydaşlarımızı təbrik ediblər. Moldovada yaşayan Azərbaycan icmasının Prezident, Müzəffər Ali Baş Komandan İlham Əliyevin qətiyyətli rəhbərliyi, rəşadətli Azərbaycan Silahlı Qüvvələrinin qəhrəmanlığı sayəsində Qarabağda əldə olunmuş Zəfərlə qürur duyduqları vurğulanıb.

 

Sonra Konqresin nəzdindəki həftəsonu Azərbaycan məktəbinin müəllimi Səidə Səfərovanın rəhbərliyi ilə şagirdlərin bayram proqramı – rəqs nömrələri, Azərbaycan dilində şeirlər təqdim olunub. Sonda Prezident, Müzəffər Ali Baş Komandan İlham Əliyevin məşhur “dəmir yumruq” manerasını nümayiş etdirən şagirdlər birlikdə “Qarabağ Azərbaycandır!” şüarını səsləndiriblər.

 

Tədbir çərçivəsində Azərbaycandan olan uşaqların Vətənimizi vəsf edən və Avropa ölkələrində təqdim olunan rəsm əsərlərinin sərgisi nümayiş etdirilib.

 

FOTO QALEREYA

 

 

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/kisinyovda-zefer-gunu-bayram-edilib-1908

 

 

]]>