Qroznı və Rostovda Heydər Əliyevin xatirəsi yad edilib

📌 https://t.co/KpGQ9RQHgg#HeydarAliyev #HeydərƏliyev100 #Azerbaijan pic.twitter.com/GG2zgUt4m0

— Azerbaijani Diaspora (@DiasporaAz) May 13, 2023

Qroznı və Rostovda Heydər Əliyevin xatirəsi yad edilib
, 2023
Qroznı və Rostovda Heydər Əliyevin xatirəsi yad edilib
Rusiya Federasiyasının müxtəlif respublikalarında və şəhərlərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyi münasibətilə silsilə tədbirlər davam edir.

Çeçenistan Respublikasının paytaxtı Qroznı şəhərində xalqımızın ümummilli liderinin abidəsi ziyarət olunub. Qroznı azərbaycanlıları milli-mədəni muxtariyyətinin,“Evimiz Qroznı şəhəridir” ictimai təşkilatının və Çeçenistan Respublikası Milli Siyasət, Xarici Əlaqələr, Mətbuat və İnformasiya Nazirliyinin birgə təşkilatçılığı ilə baş tutan tədbirdə yerli ictimaiyyətin və Azərbaycan diasporunun nümayəndələri iştirak ediblər.

Ziyarət zamanı Heydər Əliyevin abidəsi önünə gül dəstələri düzülüb, xalqımızın dahi şəxsiyyətinin əziz xatirəsi xatirəsi ehtiramla yad edilib, ruhuna dualar oxunub.

Rostov vilayətində yaşayan soydaşlarımız Heydər Əliyevin 100 illik yubileyi münasibətilə Taqanroq şəhərinin alman faşistlərdən azad edilməsində qəhrəmanlıqla həlak olmuş əsgərlərin, o cümlədən əsasən azərbaycanlılardan təşkil olunmuş 416-cı Taqanroq və 130-cu diviziyaların əsgərlərinin xatirəsinə ucaldılmış abidə kompleksini ziyarət ediblər.

 

 

Qroznı və Rostovda Heydər Əliyevin xatirəsi yad edilib

📌 https://t.co/KpGQ9RQHgg#HeydarAliyev #HeydərƏliyev100 #Azerbaijan pic.twitter.com/GG2zgUt4m0

— Azerbaijani Diaspora (@DiasporaAz) May 13, 2023

 

Rostov regional mədəni-maarif ictimai təşkilatı “Birlik” Don Azərbaycanlıları İttifaqının təşkilatçılığı ilə baş tutan tədbirdə bildirilib ki, bu abidənin ucaldılmasında Azərbaycan rəhbərinin böyük rolu olub. 1973-cü ildə məhz Heydər Əliyevin təşəbbüsü ilə qəhrəman Azərbaycan əsgərlərinin şərəfinə Rostov vilayətinin Sambek kəndi yaxınlığındakı ən hündür ərazidə Şöhrət Memorialının yaradılması qərara alınıb. Rostov memarlarının daxil olduğu müəlliflər qrupuna Bakıdan əməkdar incəsənət xadimi, heykəltəraş Elcan Şamilov rəhbərlik edib.

Soydaşlarımız qeyd ediblər ki, xalqımızın milli-mənəvi dəyərlərinə, vətənimizin igid övladlarına böyük diqqət və həssaslıqla yanaşan unudulmaz şəxsiyyət Heydər Əliyevin xatirəsi əbədi yaşayacaq.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/qrozni-ve-rostovda-heyder-eliyevin-xatiresi-yad-edilib-2946

 

 

Qroznı və Rostovda Heydər Əliyevin xatirəsi yad edilib

📌 https://t.co/KpGQ9RQHgg#HeydarAliyev #HeydərƏliyev100 #Azerbaijan pic.twitter.com/GG2zgUt4m0

— Azerbaijani Diaspora (@DiasporaAz) May 13, 2023

 

Qazaxıstanın #Aktau şəhərində “#Aprel döyüşləri – xalqımızın qəhrəmanlıq salnaməsi” mövzusunda anım tədbiri keçirilib.
📌 https://t.co/wJ3djydG0D pic.twitter.com/YDcyX7iCrJ

— Azerbaijani Diaspora (@DiasporaAz) April 5, 2023

 

 

Aktau şəhərində Aprel döyüşləri şəhidlərinin xatirəsi yad edilib
, 2023
Aktau şəhərində Aprel döyüşləri şəhidlərinin xatirəsi yad edilib
Qazaxıstanın Aktau şəhərində “Aprel döyüşləri – xalqımızın qəhrəmanlıq salnaməsi” mövzusunda anım tədbiri keçirilib.

Azərbaycanın Aktaudakı Baş konsulluğunda gerçəkləşdirilən tədbirdə Türkiyənin Baş konsulluğunun əməkdaşları, Mangistau vilayətinin yerli qurumlarının, ictimaiyyətinin və KİV-lərinin nümayəndələri, diasporumuzun rəhbərləri, Azərbaycan və müxtəlif icmaların üzvlərindən ibarət 100-dən çox qonaq iştirak edib.

Baş konsulluğun başçısı v.i.e. Elçin Məmmədov tədbir iştirakçılarını salamlayıb və Aprel döyüşləri zamanı canlarından keçmiş şəhidlərimizin xatirəsinin bir dəqiqəlik sükutla yad olunmasına dəvət edib.

Tədbirdə Türkiyənin Aktau şəhərindəki Baş Konsulluğunun ticarət üzrə attaşesi Yıldırım Büker, Mangistau vilayətində Azərbaycan icmasının rəhbəri Şəmsəddin Hüseynov, Aprel döyüşlərinin iştirakçısı Faiq Əhədli, Azərbaycan Mərkəzinin rəhbəri İlkin Orucov və başqaları çıxış ediblər. Müzəffər Ali Baş Komandan İlham Əliyevin rəhbərliyi ilə rəşadətli ordumuzun Aprel döyüşləri və Vətən müharibəsi zamanı həyata keçirdiyi əks-hücum əməliyyatlarının nəticələrindən danışan natiqlər Azərbaycan bayrağının azad olunmuş Lələtəpə yüksəkliyində və Qarabağ torpaqlarında ucaldılmasının, Azərbaycanın parlaq Zəfərinin xalqımıza və türk dünyasına böyük qürur və sevinc hissləri yaşatdığını vurğulayıblar. Aktauda fəaliyyət göstərən icmaların, eləcə də vilayət və şəhər rəhbərliyinin hər il Zəfər Günü münasibətilə Azərbaycan icmasını təbrik etdikləri bildirilib.

 

Qazaxıstanın #Aktau şəhərində “#Aprel döyüşləri – xalqımızın qəhrəmanlıq salnaməsi” mövzusunda anım tədbiri keçirilib.
📌 https://t.co/wJ3djydG0D pic.twitter.com/YDcyX7iCrJ

— Azerbaijani Diaspora (@DiasporaAz) April 5, 2023

 

 

Prezident Rəcəb Tayyib Ərdoğanın başçılıq etdiyi qardaş Türkiyə dövlətinin və türk xalqının Aprel döyüşləri, İkinci Qarabağ müharibəsi və post-müharibə dövründə Azərbaycanın yanında olduğu, “bir millət, iki dövlət” olan Azərbaycanın və Türkiyənin kədərli və sevincli günləri birlikdə bölüşdüyü bir daha xatırladılıb. Azərbaycanın uğurlu xarici siyasət apardığı, xalqımızı və türk dünyasını gözləyən növbəti uğurun Zəngəzur dəhlizinin açılması ilə əlaqədar olduğu nəzərə çatdırılıb. “Yaşasın Müzəffər Ali Baş Komandan! Yaşasın Müzəffər Azərbaycan Ordusu! Yaşasın Müzəffər Azərbaycan xalqı və türk dünyası!”, – deyə Aprel döyüşlərinin iştirakçısı Faiq Əhmədli bildirib.

Tədbir zamanı Aprel döyüşlərindən bəhs edən sənədli film və fötösərgi nümayiş olunub.

Tədbirin sonunda şəhidlərimizin ruhuna dualar oxunub, Prezident İlham Əliyevə dünya azərbaycanlılarına və türk dünyasına göstərdiyi dəstəyə görə minnətdarlıq ifadə edilib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/aktau-seherinde-aprel-doyusleri-sehidlerinin-xatiresi-yad-edilib-2741

 

 

Qazaxıstanın #Aktau şəhərində “#Aprel döyüşləri – xalqımızın qəhrəmanlıq salnaməsi” mövzusunda anım tədbiri keçirilib.
📌 https://t.co/wJ3djydG0D pic.twitter.com/YDcyX7iCrJ

— Azerbaijani Diaspora (@DiasporaAz) April 5, 2023

 

 

Niderlandın Rotterdam şəhərində #Türkiyə və Cənubi Azərbaycanda baş vermiş dağıdıcı zəlzələ nəticəsində həyatlarını itirmiş insanların anım mərasimi keçirilib.

📌 https://t.co/isZBw9gmq9 pic.twitter.com/aypRGWIRGg

— Azerbaijani Diaspora (@DiasporaAz) February 13, 2023

 

Rotterdamda Türkiyə və Cənubi Azərbaycandakı zəlzələ qurbanlarının xatirəsi yad edilib
, 2023
Rotterdamda Türkiyə və Cənubi Azərbaycandakı zəlzələ qurbanlarının xatirəsi yad edilib
Niderlandın Rotterdam şəhərində Türkiyə və Cənubi Azərbaycanda baş vermiş dağıdıcı zəlzələ nəticəsində həyatlarını itirmiş insanların anım mərasimi keçirilib.

Benilüks Azərbaycanlıları Konqresinin təşkilatçılığı ilə “Qarabağ” idman klubunda baş tutan mərasimdə önzə zəlzələ qurbanlarının xatirəsi ehtiramla yad edilib.

Tədbirdə çıxış edən Benilüks Azərbaycanlıları Konqresinin sədri Elsevər Məmmədov bu dəhşətli təbii fəlakətin Azərbaycan xalqında və dünya azərbaycanlılarında böyük sarsıntı və kədər doğurduğunu, zəlzələnin ilk saatlarından dövlətimizin və xalqımızın qardaş Türkiyənin köməyinə çatmağa çalışdığını, uşaqdan böyüyədək hər bir soydaşımızın zəlzələnin fəsadlarının aradan qaldırılması naminə əlindən gələni etdiyini vurğulayıb.

Türk icmasının üzvləri Azərbaycan dövlətinə və xalqına göstərdiyi yardıma görə minnətdarlıqlarını və ehtiramlarını bildiriblər.

Sonra Niderland Türk Federasiyasının nəzdində fəaliyyət göstərən “Versaar-Turk İslam” Mədəniyyət Mərkəzinin dini xadimi Ensar Kalemli zəlzələ qurbanlarının ruhuna dualar oxuyub.

Mərasimdə “Ana Vətən” Avropa Azərbaycanlı Qadınları Birliyinin, “Beynəlxalq Azərbaycanlı Xanımlar Klubu”nun üzvləri və Rotterdamda yaşayan soydaşlarımız iştirak ediblər.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/rotterdamda-turkiye-ve-cenubi-azerbaycandaki-zelzele-qurbanlarinin-xatiresi-yad-edilib-2375

 

 

 

Niderlandın Rotterdam şəhərində #Türkiyə və Cənubi Azərbaycanda baş vermiş dağıdıcı zəlzələ nəticəsində həyatlarını itirmiş insanların anım mərasimi keçirilib.

📌 https://t.co/isZBw9gmq9 pic.twitter.com/aypRGWIRGg

— Azerbaijani Diaspora (@DiasporaAz) February 13, 2023

 

Rusiyanın paytaxtı Moskvada yerləşən Xalq Təsərrüfatı Nailiyyətləri Sərgisinin “#Azərbaycan” pavilyonunda görkəmli diplomat, ictimai xadim, tarix və mədəniyyət tədqiqatçısı Ramiz Abutalıbovun anım gecəsi keçirilib.

📌https://t.co/M2csdhsuwB pic.twitter.com/86AExsjCBf

— Azerbaijani Diaspora (@DiasporaAz) February 2, 2023

 

 

Moskvada Azərbaycan diplomatiyasının görkəmli nümayəndəsinin xatirəsi yad edilib

, 2023

Moskvada Azərbaycan diplomatiyasının görkəmli nümayəndəsinin xatirəsi yad edilib

Rusiyanın paytaxtı Moskvada yerləşən Xalq Təsərrüfatı Nailiyyətləri Sərgisinin “Azərbaycan” pavilyonunda görkəmli diplomat, ictimai xadim, tarix və mədəniyyət tədqiqatçısı Ramiz Abutalıbovun anım gecəsi keçirilib.

“Moskva vilayəti azərbaycanlılarının milli-mədəni muxtariyyəti”nin təşkilatçılığı və “Azərbaycan” pavilyonunun iştirakı ilə baş tutan tədbirdə Ramiz Abutalıbovun ailə üzvləri, Heydər Əliyev Fondunun Rusiya Federasiyasındakı nümayəndəliyinin, Rusiya Azərbaycanlı Gənclər Birliyinin (AMOR), Moskvadakı “Məhəmməd Əmin Rəsulzadə Məclisi” ictimai təşkilatının və Rusiyanın digər ictimai qurumlarının təmsilçiləri, eləcə də Azərbaycandan olan qonaqlar iştirak ediblər.

Ramiz Abutalıbovun həyat və fəaliyyətinə həsr olunmuş film-müsahibənin nümayişi ilə açılan tədbirdə Azərbaycanın Rusiyadakı fövqəladə və səlahiyyətli səfiri Polad Bülbüloğlunun müraciəti təqdim edilib.

Sonra tarix elmləri doktoru Solmaz Rüstəmova-Tohidi və başqaları çıxış ediblər. Natiqlər geniş erudisiya, xeyirxahlıq və təvazökarlıq kimi insani keyfiyyətlərə malik olan Ramiz Abutalıbovu Azərbaycan diplomatiyasının patriarxlarından biri adlandırıblar. Onun diplomatiyaya, tarixə, mədəniyyətə əvəzsiz töhfələr verdiyi, Parisdə Azərbaycan Xalq Cümhuriyyətinin rəhbərləri haqqında nadir arxiv materiallarını toplayıb nəşr etdirməyə nail olduğu, anım tədbirinin Cümhuriyyət qurucularından biri – Azərbaycan Milli Şurasının sədri Məmməd Əmin Rəsulzadənin doğum gününə təsadüf etdiyi nəzərə çatdırılıb.

Azərbaycan diplomatlarının zəngin ənənələrinin sonrakı nəsillər tərəfindən davam etdirilməsi məqsədilə Ramiz Abutalıbovun çoxşaxəli fəaliyyətinin dərindən öyrənilməsinin və işıqlandırılmasının zəruri olduğu vurğulanıb.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/moskvada-azerbaycan-diplomatiyasinin-gorkemli-numayendesinin-xatiresi-yad-edilib-2316

 

 

Rusiyanın paytaxtı Moskvada yerləşən Xalq Təsərrüfatı Nailiyyətləri Sərgisinin “#Azərbaycan” pavilyonunda görkəmli diplomat, ictimai xadim, tarix və mədəniyyət tədqiqatçısı Ramiz Abutalıbovun anım gecəsi keçirilib.

📌https://t.co/M2csdhsuwB pic.twitter.com/86AExsjCBf

— Azerbaijani Diaspora (@DiasporaAz) February 2, 2023

 

Niderland Krallığının Rotterdam şəhərində 20 Yanvar faciəsinin 33-cü ildönümü ilə əlaqədar anım tədbiri keçirilib.

📌 https://t.co/kLFolXXNTU#BlackJanuary #20January1990 pic.twitter.com/cbe7YXwiPl

— Azerbaijani Diaspora (@DiasporaAz) January 18, 2023

 

 

Rotterdam şəhərində 20 Yanvar şəhidlərinin xatirəsi yad edilib

2023

Rotterdam şəhərində 20 Yanvar şəhidlərinin xatirəsi yad edilib

Niderland Krallığının Rotterdam şəhərində 20 Yanvar faciəsinin 33-cü ildönümü ilə əlaqədar anım tədbiri keçirilib.

Benilüks Azərbaycanlıları Konqresinin (BAK) təşkilatçılığı ilə “Qarabağ” idman klubunun ofisində baş tutan tədbirdə öncə 20 Yanvar şəhidlərinin əziz xatirəsi ehtiramla yad edilib.

Tədbiri giriş sözü ilə açan Benilüks Azərbaycanlıları Konqresinin sədri Elsevər Məmmədov bildirib ki, 1990-cı il yanvarın 19-dan 20-nə keçən gecə Azərbaycan xalqına qarşı ən qəddar hərbi cinayətlərdən biri baş verib. Mixail Qorbaçovun başçılığı ilə sovet rejimi Qarabağ münaqişəsinin ədalətli həllini və Azərbaycanın müstəqilliyini tələb edən dinc əhalidən qisas almaq məqsədilə Bakıda əsl qətliam törədib, Gəncə şəhərində və digər regionlarda mülki insanların ölümünə səbəb olan cinayətlərə yol verib.

Tədbirdə BAK-ın sədr müavini Sima Cəfərova, BAK-ın Cənubi Azərbaycan üzrə nümayəndəsi Araz Ataxan, diaspor fəlları Zərifə Süleymanova, Oqtay Tatlızadə, Əli Toptaş və başqaları çıxış ediblər. Bildirilib ki, həmin gecə milli mənafelərin müdafiəsi naminə canlarından keçmiş Vətən övladları misilsiz fədakarlıqları ilə xalqımızın qəhrəmanlıq salnaməsinin yeni parlaq səhifəsini yazıblar. Qanlı cinayətin xalqımızın milli azadlıq mübarizəsini dayandıra bilmədiyi, Azərbaycanın dövlət müstəqilliyini bərpa etdiyi, 20 Yanvar şəhidlərinin qəhrəmanlığının hər zaman azərbaycanlı gənclər üçün örnək olduğu vurğulanıb.

Qeyd edilib ki, artıq iki ildir müasir Azərbaycan dövlətinin qurucusu Heydər Əliyevin, ölkəmizin müstəqilliyi və ərazi bütövlüyü uğrunda canlarından keçmiş bütün şəhidlərin ruhu şaddır. Çünki Prezident, Müzəffər Ali Baş Komandan İlham Əliyevin qətiyyətli rəhbərliyi ilə qəhrəman ordumuz torpaqlarımızı erməni işğalından azad edib, Qarabağda yenidən Azərbaycanın dövlət bayrağının ucaldılmasına nail olub.

FOTO QALEREYA

dostların arasında bunu ilk tövsiyyə edən sən ol

 

DIGƏR XƏBƏRLƏR

 

kaynak:http://diaspor.gov.az/az/news-detail/rotterdam-seherinde-20-yanvar-sehidlerinin-xatiresi-yad-edilib-2192

 

 

Niderland Krallığının Rotterdam şəhərində 20 Yanvar faciəsinin 33-cü ildönümü ilə əlaqədar anım tədbiri keçirilib.

📌 https://t.co/kLFolXXNTU#BlackJanuary #20January1990 pic.twitter.com/cbe7YXwiPl

— Azerbaijani Diaspora (@DiasporaAz) January 18, 2023

 

Estoniyanın paytaxtı Tallinndə yerləşən #Azərbaycan Evində görkəmli dövlət xadimi, xalqımızın böyük öndəri Heydər Əliyevin anım günü ilə əlaqədar tədbir keçirilib.

📌 https://t.co/nFVvkDJfab pic.twitter.com/M8Qm3mtnOg

— Azerbaijani Diaspora (@DiasporaAz) December 16, 2022

 

 

Tallinn Azərbaycan Evində Heydər Əliyevin xatirəsi yad edilib
2022

Tallinn Azərbaycan Evində Heydər Əliyevin xatirəsi yad edilib

Estoniyanın paytaxtı Tallinndə yerləşən Azərbaycan Evində görkəmli dövlət xadimi, xalqımızın böyük öndəri Heydər Əliyevin anım günü ilə əlaqədar tədbir keçirilib.

Azərbaycan Evinin və ölkəmizin Estoniyadakı səfirliyinin birgə təşkilatçılığı ilə baş tutan tədbirdə Estoniyanın siyasi dairələrinin, diplomatik korpusun, Azərbaycan diasporunun və KİV-in nümayəndələri iştirak ediblər.

Öncə müasir Azərbaycan dövlətinin qurucusu Heydər Əliyevin əziz xatirəsi bir dəqiqəlik sükutla yad edilib.

Qonaqları salamlayan “Aydan” Azərbaycan Mədəniyyəti Mərkəzinin sədri Niyazi Hacıyev dahi şəxsiyyətin ölkəmizin və Avropanın enerji təhlükəsizliyinin təmin olunması naminə həyata keçirdiyi müdrik siyasətdən danışıb. Bildirib ki, Avropada təhlükəsizliyin, o cümlədən enerji təhlükəsizliyinin təmin edilməsində Azərbaycan xalqının ümummilli lideri Heydər Əliyevin rolunu qiymətləndirməmək olmaz.

Tədbirdə çıxış edən Azərbaycanın Estoniyadakı səfiri Anar Məhərrəmov xalqımızın ümummilli liderinin şərəfli ömür yolundan, xalqın təkidli tələbi ilə hakimiyyətə qayıdaraq Azərbaycanı məhv olmaq təhlükəsindən xilas etdiyindən danışıb. Uğurla həyata keçirdiyi daxili və xarici siyasət nəticəsində ölkəmizin nüfuzunun daha da artmasına, müstəqilliyimizin əbədi və dönməz olmasına nail olduğunu xatırladıb. Əsası Heydər Əliyev tərəfindən qoyulan siyasətin bu gün Prezident İlham Əliyev tərəfindən böyük uğurla davam etdirildiyi, ölkəmizin beynəlxalq aləmdə nüfuzunun günü-gündən artdığı və regional liderə çevrildiyi nəzərə çatdırılıb.

Türkiyənin Estoniyadakı səfiri Başak Türkoğlu ölkəmizdə davamlı sosial-iqtisadi inkişafın və siyasi sabitliyin təmin olunmasında, Azərbaycanın mühüm regional dövlətə çevrilməsində, tarixi İpək Yolunun bərpasında Heydər Əliyevin əvəzsiz xidmətlərindən danışıb. Azərbaycan-Türkiyə münasibətlərinə ümummilli liderin xüsusi önəm verdiyini, onları “Bir millət, iki dövlət” kimi səciyyələndirdiyini xatırladıb.

Sonra Heydər Əliyevin həyat və fəaliyyətindən bəhs edən videoçarx nümayiş etdirilib.

Tədbir Estoniyada tanınmış musiqiçilər Nəriman Əmiraslanov və Mari-Lis Uibonin ifasında lirik musiqi parçalarının ifa edilməsi ilə davam edib.

Tədbir çərçivəsində Heydər Əliyevin keçdiyi ömür yolunu əks etdirən foto və kitab sərgisi təşkil edilib.

FOTO QALEREYA

 

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/tallinn-azerbaycan-evinde-heyder-eliyevin-xatiresi-yad-edilib-2082

 

 

Estoniyanın paytaxtı Tallinndə yerləşən #Azərbaycan Evində görkəmli dövlət xadimi, xalqımızın böyük öndəri Heydər Əliyevin anım günü ilə əlaqədar tədbir keçirilib.

📌 https://t.co/nFVvkDJfab pic.twitter.com/M8Qm3mtnOg

— Azerbaijani Diaspora (@DiasporaAz) December 16, 2022